Kryeministri i  Izraelit, Benjamin Netanyahu u takua me ministrin rus të Mbrojtjes, Sergei Shoigu. ministri izraelit i Mbrojtjes, Avigdor Lieberman, ishte gjithashtu i pranishëm në takim.

Kjo ishte vizita e parë e një ministri rus të Mbrojtjes në Izrael pas shumë vitesh. Shoigu erdhi me ftesë të homologut të tij izraelit, Avigdor Lieberman, me të cilin u takua pas mbërritjes në Izrael.

Biseda mes Netanjahut dhe Shoigu ishte kryesisht për përpjekjet iraniane për të ndërtuar një prani ushtarake në Siri. “Irani duhet të kuptojë se Izraeli nuk do ta tolerojë këtë,” i tha Netanyahu ministrit rus i Mbrojtjes.

U diskutua gjithashtu edhe për marrëveshjen bërthamore me Iranin dhe deklaratat e fundit të presidentit amerikan Donald Trump për një dalje amerikane nga marrëveshja. Netanjahu përsëriti qëndrimin e Izraelit, sipas të cilit Irani do të ndërtonte një arsenal atomik brenda tetë deri në dhjetë vjet, nëse marrëveshja nuk duhet të ndryshohet.

Së bashku me Ministrin e Mbrojtjes të Izraelit, Lieberman, Shoigu vizitoi Memorialin e Holokausit, Jad Vashem, para takimit me Netanjahun, ku ai vendosi një kurorë në “Sallën e Emrave”.