Shqipëria në Forumin kundër Terrorizmit në Izrael

Marrin pjesë ministra nga 17 shtete. Të pranishëm, Netanyahu dhe shefat e Shin Bet dhe Mossad

Shqipëria do të marrë pjesë krahas 17 vendeve të ndryshme në Forumi e parë Global të Luftës kundër Terrorizmit, Nxitjes dhe Kërcënimeve Kibernitike, që do të zhvillohet javën e ardhshme në Izrael.

Lajmin e bëri të ditur portali i kanalit televiziv izraelit Channel 7, inn.co.il.

Në konferencën, e cila do të zhvillohet në Jeruzalem, me iniciativën e ministrit izraelit të Sigurisë Publike, Çwshtjeve Strategjike dhe Informacionit, Gilad Erdan, e ku do të jenë të pranishëm edhe Presidenti Reuven Rivlin dhe Kryeministri Benjamin Netanyahu do të marrin pjesë 17 ministra dhe zëvendësministra të mbrojtjes nga: Shqipëria, SHBA, Gjermania, Rumania, Azerbajxhani, Greqia, Bullgaria, Ruanda, Hungaria, Letonia, Kroacia, Paraguai, Lituania, Kanadaja dhe Serbia.

Drejtuesit agjencive të sigurisë izraelite, përfshirë shefat e Shin Bet (shërbimi informativ i brendshëm) dhe Mossad (shërbimi inteligjent i jashtëm), do të tregojnë eksperiencat e tyre, se si Izraeli ka arritur të shndërrohet në një fenomen të mirënjohur botëror në luftën kundër terrorizmit në përgjithësi dhe ndaj terroristëve në veçanti.

Ministrat e vendeve të pjesëmarrëse në Forumi do të diskutojnë edhe mundësinë e kooperimit në kuadër të betejës kundër të njëjtave kërcënime.

Një studim special i kryer nga Ministria e Sigurisë Publike dhe Instituti i Kundër-Terrorizmit, i kryesuar nga Prof. Boaz Ganor, do t’u paraqitet pjesëmarrësve.

Izraeli është një lider botëror në luftën kundër terrorizmit.

Kompania Spyware NSO synon blerjen e startapit të ish-shefit ushtarak izraelit

NSO ka marrë kritika të ashpra pas akuzave se softueri i saj është përdorur nga qeveritë për të spiunuar gazetarët