Në Izrael të gjithë janë në garë për inovacione dhe themelojnë startape.

Një i tillë është edhe startapi që ka për qëllim edukimin muzikor, JoyTunes.

Startapi JoyTunes Ltd sapo ka grumbulluar 10 milionë dollarë, në një raund financimi të udhëhequr nga Insight Ventures dhe kompania e kapitaleve me qendër në Tel Aviv, Aleph, duke e çuar në 17 milionë dollarë totalin e investimeve.

JoyTunes zhvillon aplikacione që u mësojnë përdoruesve se si të luajnë instrumente muzikore.

Aplikacioni kryesor i JoyTunes është Simply Piano, i cili është shkarkuar më shumë se 10 milionë herë, sipas të dhënave të kompanisë.

Kompania gjithashtu ofron një aplikacion për instruktorët e pianos, të quajtur Piano Maestro.

JoyTunes punëson 26 persona në zyrën e saj në Tel Aviv.