Vizita e pastorit izraelit Hanan Lokes, Dervishaj: Historike për Shqipërinë

Drejtori ekzekutiv i Aleancës hebreje mesianike të Izraelit mbajti shërbesa në Tiranë, Vlorë, Divjakë, Burrel, Novoselë dhe tek Instituti në Kamëz

Pastori

Pastori i njohur izraelit, Hanan Lokes, zhvilloi në Shqipëri një vizitë historike, pasi u bë i pari pastor i ardhur nga “Toka e Shenjtë” që mban shërbesa në Shqipëri të organizuara nga Ambasada Ndërkombëtare e Krishterë e Jerusalemit në Tiranë.

President dhe drejtor ekzekutiv i Aleancës hebreje mesianike të Izraelit dhe një nga pastorët (pleqtë) e një kongregacioni mesianik në Haifa, Izrael, pastori Hanan Lokes mbajti shërbesa në Tiranë, Vlorë, Divjakë, Burrel, Novoselë si dhe në zonën e njohur si Instituti në Kamëz.

“Nuk mbahet mend prej qindra vjetësh që në Shqipëri të ketë ardhur një Pastor nga Izraeli, një Jude Mesianik, një izraelit i vërtetë, një dishepull qe i beson Jezusit si Mesian e Izraelit. Nuk mbahet mend qe nga kohet biblike apostolike, të kemi pasur një shërbyes të ungjillit nga ‘Toka e premtuar’, nga Izrael. Që prej vitit 57 pas Krishtit, që nga koha të kishës së pare në Jerusalem, që nga ajo kohe nuk kemi patur misionar të ungjillit nga Izraeli. Për këto arsye, kjo është një vizitë historike në Shqipëri”, tha Gentjan Dervishaj, Drejtor Kombëtar i Ambasadës Ndërkombëtare të Krishterë të Jerusalemit në Tiranë për Izraelisot.com.

“Në një vit historik për Shqipërinë, ku kujtohet 550-vjetori i Skënderbeut dhe 70-vjetori i themelimi të Shtetit të Izraelit, erdhi  Pastor Hanan Lokes dhe vizitoi Tiranën, ku mbajti një shërbesë në një nga sallat e Muzeut Historikë Kombëtar, si dhe qytete te tjera si Burreli, Divjaka, Vlora, si dhe pati takime të veçanta në Novoselë dhe Institut në Kamëz. Pastori Hanan Lokes vajosi si sherbyes të ungjillit të Krishtit 3 pastorë të rinj të Kishës Ungjillore ‘Rreze Drite’ Tiranë”, tha pastori Gentjan Dervishaj.


Pastori Gentjan Dervishaj, duke i vendosur stemen e Skenderbeut pastorit Hanan Lokes

Ambasada Ndërkombëtare e Krishterë e Jerusalemit në Tiranë e nderoi Pastorin 70-vjeçar Hanan Lokes me një certifikatë mirënjohje për shërbesën e tij ndërkohë që dhe iu dhurua edhe stema zyrtare i “Vitit të Skënderbeut” nga pastor Gentjan Dervishaj, Drejtor Kombëtar i ICEJ ALBANIA, gjatë shërbesës së veçantë të mbajtur në Muzeun  Historik Kombëtar në Tiranë.


“Pastori Hanan predikoi lajmin e mirë, Ungjillin e Perëndisë duke vendosur një mësim të mirë për Izraelin, Kishën & Judenjte Mesianik dhe Kombet dhe rolin e tyre në planin e Zotit për shpëtimin e njeriut dhe faljen e mëkateve ne emrin e Jezus Krishtit, si qengji i kurbanit i Perëndisë që heq mëkatin e Izraelit dhe të botës”, tha pastori Dervishaj.

Ambasada Ndërkombëtare e Krishterë e Jerusalemit – The International Christian Embassy Jerusalem, ICEJ  – është themeluar në vitin 1980, si një akt mbështetjeje dhe solidariteti me Izraelin dhe popullin jude në afirmimin e tyre për Jerusalemin.

Sipas Pastorit shqiptar, Dervishaj, themelues edhe i Kishës Ungjillore “Rreze Drite”, nga zyrat e saj qendrore në Jerusalem, ICEJ, ka mundur të jetë prezente me aktivitetet e saj në 170 vende në gjithë botën, ndërkohë që ka degë të saj në mbi 90 kombe, përfshirë edhe Shqipërinë.

Lidhjet e Shqipërisë, apo Ilirisë së dikurshme,  me Tokën e Shenjtë janë shumë të vjetra dhe ato përmenden në Bibël.

“Iliria, si një vend ku është predikuar ungjilli i Krishtit, përmendet në Bibël në letrën drejtuar romakëve, të shkruar nga apostulli Pal. Në letrën e Romakëve 15:19-20 lexojmë : “…me fuqi shenjash dhe çudirash, me fuqi të Frymës së Perëndisë; kështu, prej Jerusalemit e përqark dhe gjer në Iliri, kam kryer shërbimin e ungjillit të Krishtit, duke u përpjekur të ungjillëzoj atje ku nuk ishte i njohur emri i Krishtit, që të mos ndërtoj mbi themelin e tjetrit”, citon Derivishaj një pjesë nga Bibla.

Pastori Hanan Lokes, i cili është lindur në  pranverën e vitit 1948, në të njëjtën kohë kur u themelua shteti i Izraelit ka punuar për qeverinë izraelite për rreth 30 vjet. Gjatë 18 viteve të fundit ai është në sherbese me kohë të plotë, si president dhe drejtor ekzekutiv i Aleancës hebreje mesianike të Izraelit dhe si një nga pastorët / pleqtë e një kongregacioni mesianik në Haifa, Izrael.

Pastori Hanan Lokes, Rabini i Shqipërisë Yisroel Finman dhe Drejtori Kombetar i ICEJ Albania, Gentjan Dervishaj

Pastor Hanan, ashtu si apostulli Pal e kishte zakon të takohej me njerëzit e tij takoi ne Tirane dhe ne qytete te tjera dhe pati disa  shërbesa me besimtarë të kishës ungjillore dhe pastor të ndryshëm. Ai zhvilloi edhe takim miqësor me Rabinin e Shqipërisë, Yisroel Finman. Githashtu, ai pati një takim të perzemërte me zëvendësambasadorin e Izraelit ne Shqiperi, Yuvale Fischer, si dhe Kreun e Vëllazerise Ungjillore të Shqipërisë Pastor Ylli Doçi dhe me Sekretarin e Pergjithshem  Pastor Ergest Biti.

“Pas kësaj vizite historike të pastor Hanan Lokes, ne besojmë se është Koha që Kisha Shqiptare dhe populli shqiptar të lidhet me Izraelin, me popullin dhe vendin e Perëndisë,  me vendin e Biblës”, tha pastori Gentian Dervishaj.

ICEJ është një zë aktiv në pajtimin midis hebrenjve, të krishterëve dhe arabëve, si dhe mbështet kishat dhe kongregacionet në Tokën e Shenjtë. Gjatë gjithë vitit Ambasada dërgon folës në mbarë botën për të shpjeguar çështje të rëndësishme në lidhje me Izraelin dhe Lindjen e Mesme.

ICEJ punon ngushtë me anëtarët e Knesset (Parlamenti izraelit) në projekte të ndryshme në Izrael dhe jashtë vendit, nëpërmjet Grupit të Aleancës Kristiane të Knesset.

Objektivi ynë kryesor është rritja e vetëdijes së krishterë dhe mbështetja e Izraelit duke nxitur udhëheqësit, kishat dhe organizatat që të bëhen ndikime efektive në vendet e tyre në emër të popullit hebre. Po ashtu, mbahen pritje, duke bashkuar bashkësitë lokale hebraike, përfaqësuesit izraelitë dhe udhëheqësit e krishterë në mënyrë që të lehtësojnë pajtimin dhe mirëkuptimin.

 

Kompania Spyware NSO synon blerjen e startapit të ish-shefit ushtarak izraelit

NSO ka marrë kritika të ashpra pas akuzave se softueri i saj është përdorur nga qeveritë për të spiunuar gazetarët