Botërori, gjysmëfinalja Angli-Kroaci, Netanyahu në tribunën VIP

Kryeministri i Izraelit është i ftuari i Presidentit rus, Vladimir Putin


Kryeministri Benjamin Netanyahu do të jetë i pranishëm në ndeshjen gjysmëfinale të Kupës së Botës në mes të Anglisë dhe Kroacisë në stadiumin “Luzhniki” në Moskë.

Netanjahu do të jetë në Moskë për bisedime me presidentin rus Vladimir Putin, gjatë të cilit ai pritet të diskutojë kërkesat e Izraelit për t’i dhënë fund pranisë ushtarake të Iranit në Siri, shkruan “Times of Israel”.

Presidentin rus, me të cilin Netanyahu do të takohet për herë të dytë brenda një muaji, tashmë është përpjekur të përdorë turneun ndërkombëtar të futbollit të organizuar nga FIFA si një trampolinë e mundshme për diplomacinë ndërkombëtare, duke ftuar dhjetëra liderë botërorë që të marrin pjesë në finalen e Botërorit, të programuar për ditën e diel.

Shefi i futbollit palestinez, Jibril Rjoub, njoftoi muajin e kaluar se Presidenti i Autoritetit Palestinez Mahmud Abbas do të udhëtojë në Rusi për të parë finalen dhe do të takohej me Putinin për të diskutuar “marrëdhëniet dypalëshe dhe zhvillimet më të fundit politike”.

Ashtu si Putini, edhe Netanyahu ka përdorur Kupën e Botës si një mjet për të trajtuar çështjet jo-sportive.

Duke shfaqur aftësitë e tij futbollistike në një video të postuar në mediat sociale muajin e kaluar, Netanyahu tërhoqi një paralele midis demonstrimeve në Iran dhe ekipit të futbollit iranian të “pamundur”, kur regjistroi një barazim 1-1 kundër Portugalisë së Cristiano Ronaldos në fazën e grupeve të Kupës Botërore, duke përfshirë bllokimin e një penalltie nga superylli. Ai shtoi se shpresonte që përfundimisht të shihte Iranin të luante një ndeshje kundër Izraelit.

“Bllokimi i Ronaldos është “pothuajse e pamundur”, tha Netanyahu, “por ekipi iranian bëri të pamundurën”.

“Për popullin iranian unë them: Ju treguat guxim në fushën e lojës dhe sot ju treguat të njëjtin guxim në rrugët e Iranit”, tha kryeministri në video.

Shanset janë të larta për Anglinë dhe Kroacinë, të cilët përballen me ndeshjet e para të gjysmëfinales së Kupës së Botës, respektivisht që nga viti 1990 dhe 1998. Nëse Anglia fiton, do të përparojë në finalen e saj të parë që nga viti 1966 kur e fitoi Botërorin në shtëpi. Për Kroacinë, një fitore do ta bënte skuadrën më të suksesshme të vendit në histori.

Zyra e Kryeministrit izraelit nuk pranoi të thoshte se për cilin ekip do të bënte tifozllëk Netanyahu.

Lexo më shumë

Kompania izraelite LR Group, projekt investimesh në Shqipëri

Ministri i Ekonomisë, Kulturës dhe Inovacionit, Blendi Gonxhja, priti Ambasadoren e Izraelit në Shqipëri, Galit Peleg.

Izrael

Fyejti Holokaustin, Izraeli shpall “non grata” presidentin e Brazilit

Kryeministri Benjamin Netanyahu i përshkroi fjalët e presidentit Luiz Inácio Lula da Silva si “të turpshme”.

Shqipëri

Dita Ndërkombëtare e Gruas, ambasadorja Kumbe fjalim në Universitetin e Haifës

Ambasadorja e Shqipërisë në Izrael, Meri Kumbe, ishte e ftuar të fliste në Universitetin e Haifës në kuadër të Ditës…

Kosove

Ceremoni solemne në Prishtinë, për Ditën Përkujtimore të Holokaustit

Marin pjesë Presidentja Osmani, kryeministri Kurti dhe ambasadorja e Izraelite në Kosovë, Tamar Ziv.

OPED

Populli ynë ka qenë dhe do të mbetet krah popullit hebre

Sot shënohet Dita e Përkujtimit të Holokaustit, ditë që përbashkon gjithë botën në kujtim të viktimave

Bota

Shuhet legjenda e diplomacisë amerikane, Henry Kissinger

Vdiq në moshën 100-vjeçare. Kissinger dominoi politikën e jashtme të SHBA në kulmin e Luftës së Ftohtë.

Spyzone

Ushtria e Izraelit rrethon komandën qëndrore të Hamasit

Marina gjithashtu kreu dhjetëra sulme përgjatë bregut të Gazës, duke ndihmuar forcat tokësore.