Shefi i Mossad thotë se jo gjithmonë teknologjia e lartë është një “mik i spiunit”

Në një fjalim të rrallë publik, Yossi Cohen, thotë se teknologjia që ndihmon për të luftuar kërcënimet si projektet iraniane bërthamore dhe raketore nganjëherë mund të zbulojë operacionet eë huaja të inteligjencës; shton se qasja e Presidentit Trump në politikën e jashtme është ‘shumë e këndshme për ne, si Shteti i Izraelit’.


Spiunimi po bëhet më i vështirë, sepse të njëjtat teknologji që kapin terroristët ndonjëherë mund të zbulojnë operacione të huaja të inteligjencës, tha drejtori i Mossad të hënën.

Yossi Cohen paraqiti vërejtje të rralla publike në një konferencë për buxhetin të mbajtur nga Ministria e Financave. Kjo të bën të mëndosh se do të ketë dalë nga hijet për të mbrojtur fondet dhe detyrat specifike të personelit që, sipas Haaretz, e kanë bërë Mossad “organizatën e dytë më të madhe të spiunazhit në Perëndim” pas Agjencisë Qendrore të Inteligjencës të SHBA-ve.

Cohen e përshkroi Mossadin si majën e shtizës së Izraelit kundër kërcënimeve siç janë projektet iraniane bërthamore dhe raketore dhe mbështetjen iraniane për militantët e Hamasit.

 

Por, duke përshkruar sfidat për të fshehur oficerët e Mossad, si teknologjia e njohjes së fytyrës dhe dokumentet e identifikimit të digjitalizuar, ai tha: “Kudo që ne shkojmë, duhet të marrim parasysh faktin se shërbimet e sigurisë po bëhen më të fuqishme”.

“Për njerëzit normalë, kjo (teknologji) është e mirë. Për njerëzit që nuk duan aq shumë, çështja është sigurisht një sfidë e një rendi të ndryshëm”.

“Mund të imagjinoni se një pjesë e madhe e problemeve apo sfidave të agjencisë flasin për faktin se pasaporta juaj është, në thelb, në gjurmën e gishtit tuaj, në retinën tuaj ose në fytyrën tuaj”, tha Cohen duke përshkruar masat e tilla siç janë projektuar kryesisht për kundër terrorizmit dhe jo kundër spiunazhit.

“Kjo arenë, e cila na ndikon shumë, ka ndryshuar përtej njohjes dhe është duke u ngadalësuar”.

Në vitin 2010, Emiratet e Bashkuara Arabe akuzuan Mossad për vrasjen e një blerësi të armëve të Hamasit në Dubai dhe publikuan videon CCTV të ekipit të goditur me armë, si dhe pasaportat e tyre të falsifikuara perëndimore – një siklet për Izraelin, megjithëse ai i shmangu komentet.

Që kur Cohen mori përsipër në vitin 2016, Mossad besohet gjerësisht se ka vrarë njerëzit e Hamasit në Malajzi dhe Tunizi. Asnjë incident nuk ishte si filmi i bërë në Dubai dhe që u bë publik, si një tregues se vrasësit iu shmangeshin mbikëqyrjes.

Cohen vlerësoi Presidentin e SHBA Donald Trump, i cili u tërhoq nga marrëveshja ndërkombëtare bërthamore me Iranin dhe e njohu Jerusalemin si kryeqytet Izraelit – lëvizjes që, respektivisht, tronditi aleatët e mëdhenj evropianë të Uashingtonit dhe zemëroi palestinezët, të cilët pretendojnë Jerusalemin lindor si kryeqytetin e një shteti që ata kërkojnë.

Cohen tha se fuqi të ndryshme në Lindjen e Mesme, pika të nxehta të tilla si Siria “është, natyrisht, shumë e prekur nga ndryshimi i qasjes që kur Presidenti Trump mori detyrën, gjë që, unë mendoj, se është shumë e këndshme për ne, si Shteti i Izraelit”.

“Ka një lloj ndjenje – duke përfshirë edhe mua – se ekziston një diferencim midis djemve të mirë dhe të liq, duke u bërë në një mënyrë më ndarëse, më të thjeshtë dhe më të qartë.”

Burimi: Ynetnews.com

Kompania izraelite LR Group, projekt investimesh në Shqipëri

Ministri i Ekonomisë, Kulturës dhe Inovacionit, Blendi Gonxhja, priti Ambasadoren e Izraelit në Shqipëri, Galit Peleg.

Izrael

Fyejti Holokaustin, Izraeli shpall “non grata” presidentin e Brazilit

Kryeministri Benjamin Netanyahu i përshkroi fjalët e presidentit Luiz Inácio Lula da Silva si “të turpshme”.

Shqipëri

Dita Ndërkombëtare e Gruas, ambasadorja Kumbe fjalim në Universitetin e Haifës

Ambasadorja e Shqipërisë në Izrael, Meri Kumbe, ishte e ftuar të fliste në Universitetin e Haifës në kuadër të Ditës…

Kosove

Ceremoni solemne në Prishtinë, për Ditën Përkujtimore të Holokaustit

Marin pjesë Presidentja Osmani, kryeministri Kurti dhe ambasadorja e Izraelite në Kosovë, Tamar Ziv.

OPED

Populli ynë ka qenë dhe do të mbetet krah popullit hebre

Sot shënohet Dita e Përkujtimit të Holokaustit, ditë që përbashkon gjithë botën në kujtim të viktimave

Bota

Shuhet legjenda e diplomacisë amerikane, Henry Kissinger

Vdiq në moshën 100-vjeçare. Kissinger dominoi politikën e jashtme të SHBA në kulmin e Luftës së Ftohtë.

Spyzone

Ushtria e Izraelit rrethon komandën qëndrore të Hamasit

Marina gjithashtu kreu dhjetëra sulme përgjatë bregut të Gazës, duke ndihmuar forcat tokësore.