Izraelitja Elbit, kontratë 68 mln usd për monitorimin me dron të bregdetit të Evropës

Marrëveshja e kontraktorit izraelit i mbrojtjes është për dy vjet, me një opsion shtimi edhe për dy vjet të tjera

Kontraktori izraelit i mbrojtjes, Elbit Systems Ltd, fitoi një kontratë për të siguruar shërbime patrullimi të sistemit të avionëve pa pilot (UAS) për Agjencinë Evropiane të Sigurisë Detare (EMSA), për të ndihmuar në monitorimin brigjet detare dhe për identifikimin aktiviteteve të dyshimta dhe rreziqet potenciale.

Agjencia evropiane ofron shërbime në vendet e Bashkimit Evropian.

Kontrata, e cila do të ekzekutohet së bashku me Qendrën e Inxhinierisë dhe Zhvillimit të Produkteve (Centre of Engineering and Product Development – CEiiA), me bazë në Portugali, është për një periudhë dyvjeçare, me një opsion për dy vjet të tjera shtesë. Vlera e plotë e kontratës, duke përfshirë opsionet, është 59 milionë euro (rreth 68 milionë dollarë).

Sipas kontratës dhe në bashkëpunim me CEiiA, Elbit do të marrë me qira dhe do të operojë sistemin Hermet 900 Patrol Detar – një sistem survejimi me rreze të gjatë pa pilot të përshtatur për detin dhe vijat bregdetare – dhe stacionin e kontrollit tokësor, shkruan “The Times of Israel”.

Sistemi do të pajiset me radar detar, një ngarkesë elektro optike, komunikim satelitor dhe një marrës automatik të sistemit të identifikimit (AIS), tha Elbit në një deklaratë.

Elbit është një firmë e teknologjisë që zhvillon një gamë të gjerë në fushën e mbrojtjes, sigurimit të atdheut dhe sistemeve komerciale që shiten në nivel global. Firma, aksionet e së cilës janë të listuara në Tel Aviv dhe në Nasdaq, ndër të tjera vepron në fushat e hapësirës ajrore, sistemeve tokësore dhe detare, komandën, kontrollin, komunikimet, kompjuterët, sistemet e survejimit dhe zbulimit.

/Izraeli Sot/