“Unë gjithmonë do të festoj dhe nderoj popullin hebre,” tha Presidenti amerikan Donald Trump para të ftuarve në pritjen e Shtëpisë së Bardhë, me rastin e festës hebraike Hanukkah.

Një orkestër me rreth 20 muzikantë luajti këngë Hanukkah në hyrjen kryesore të Shtëpisë së Bardhë, ndërsa të ftuarit shijuan verën dhe mish.

“Të gjitha ushqimet në këtë ngjarje janë kosher nën mbikëqyrjen e Rabinit Levi Shemtov (chabad.)”, tha Trump.

Disa dhjetëra të pranishëm mbanin yarmulka të kuqe që kishin shtypur “Trump” mbi to.

Gjatë ceremonisë së ndriçimit të qirinjve, presidenti, duke qëndruar përkrah Zonjës së Parë, Melania Trump, përshëndeti përfaqësuesit nga të dy anët e rreshtit në skenë.

Ivanka Trump, vajza dhe këshilltarja e presidentit dhe burri i saj, këshilltari  Jared Kushner, gjithashtu morën pjesë në këtë aktivitet.

“Jam shumë krenar që besimi hebre është një pjesë e dashur e familjes sonë,” theksoi Trump.