Robert Adler, hebreu që shpiku telekomandën e televizorit

Fizikanti ia kushtoi tërë jetën e tij inovacioneve në industrinë e prodhimeve të apareteve dhe pajisjeve televizive


Për të gjithë ne është shumë e rehatshme të shtrihemi në divan apo në krevat, të shohim televizor dhe të ndrojmë stacionet televizive pa u çuar nga vendi, përmes pultit.

Pikërisht “remote control”, apo telekomanda, është shpikur nga Robert Adler në vitin 1956, një hebre i lindur në Vienë, Austri në vitin 1913.

Telekomanda e Adlerit

Në vitin 1937 Robert Adler u diplomua për fizikë dhe mori doktoraturë nga Universiteti i Vjenës.

Me shpërthimin e Luftës së Dytë Botërore, duke parë edhe klimën anti-Semite, dhe aneksimit të Austrisë nga Gjermania Naziste, Adler fillimisht shkoi në Londër, ndërsa më pas u vendos përfundimisht në Çikago të Shteteve të Bashkuara.

Adler iu bashkua ekipit të Zenith Radio në vitin 1941, ndërsa dhjetë vjet më vonë ai u bë drejtor i asocuar i departamentit të kërkimeve në 1951, zëvendëspresident në 1959 dhe drejtor i kërkimeve në 1963.

Robert Adler dhe Eugene Polley

Robert Adler ia kushtoi tërë jetën e tij inovacioneve në industrinë e prodhimeve të apareteve dhe pajisjeve televizive, ku më i njohuri në botë është shpikja e telekomandës, të cilën ai e krijoi së bashku edhe me inxhinierin e Zenith, Eugene Polley, në vitin 1956.

Adler më vonë udhëhoqi përdorimin e valëve sipërfaqësore akustike në filtrat e frekuencave të ndërmjetme për televizionin me ngjyra. Puna e tij dhe idetë për valët akustike në sipërfaqe janë përfshirë në produkte të shumta përtej televizionit, duke përfshirë telefonat celulare dhe ekranet me prekje.

Gjatë 35 viteve të punës, Robert Adler luajti një rol të rëndësishëm në kërkimet me karakter industrial në SHBA.

Adler ka regjistruar më shumë 150 patenta amerikane dhe botoi mbi 45 dokumente teknike dhe artikuj.

Ai është nderuar me shumë çmime.

Vdiq në moshën 93 vjeç, më 15 shkurt 2007, pas një ifarkti kardiak në Idaho, SHBA.

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

INTERVISTA

Kompozitori i famshëm izraelit, Boris Pigovat: “Lule Bore” e meriton të jetë himni i “IsraAlb”

Boris Pigovat është një nga emrat më të mëdhenj të muzikës izraelite dhe asaj botërore. Kënga e famshme shqiptare “Lule…

SPYZONE

Si u bë Izraeli një superfuqi kibernetike në botë

Ushtria izraelite rekruton koduesit më të mirë dhe më të shkëlqyer apo hakersat qysh në adoleshencë