“Kujto tjetrin, kujto veten”, Shqipëria nderon Ditën Ndërkombëtare të Holokaustit

Ministria për Evropën dhe Punët e Jashtme të Shqipërisë organizoi aktivitetin përkujtues për Ditën Ndërkombëtare të Holokaustit.


Nën moton tradicionale “Kujto tjetrin, kujto veten”, Ministria për Evropën dhe Punët e Jashtme organizoi në mjediset e Bunk’Art2 aktivitetin përkujtues për Ditën Ndërkombëtare të Holokaustit.

Ky aktivitet, solli bashkë përfaqësues të institucioneve qëndrore, përfaqësuesitë e agjencive të OKB-së në Shqipëri dhe Koordinatorin Rezident, përfaqësues të Këshillit të Evropës, trupit diplomatik në Tiranë, pjesëtarë të familjeve që kanë kontribuar në shpëtimin e hebrenjve si dhe përfaqësues të shoqërisë civile, duke përkujtuar të gjithë ata që humbën jetën dhe ata që i mbijetuan Holokaustit.

Zëvendësministrja Artemis Malo, në fjalën e saj u shpreh se “jo pa qëllim, është përzgjedhur “Bunk’Art” për përkujtimin e Ditës së Holokaustit, hyrja e të cilit është inspiruar nga Yad Vashem në Izrael. Vuajtja, humbja e jetëve dhe përdhosja e dinjitetit nga regjime totalitare, është njëkohësisht dhe fija lidhëse që bën bashkë popujt për t’iu kundërvënë të keqes, për të ndërgjegjësuar brezat e rinj mbi historinë dhe për të nxjerrë mësime për të ardhmen”.

Sipas Zëvendësministers Malo, “Kujto tjetrin, kujto veten” është motoja jonë, e cila tenton të hedhë dritë edhe mbi qëndrimin monumental që mbajtën shqiptarët gjatë Luftës së Dytë Botërore duke strehuar dhe mbrojtur popullatat hebrenje që persekutoheshin e përndiqeshin deri në kufijtë e të pabesueshmes”.

“Ne shqiptarët, përgjatë shekullit të kaluar mund të mos kemi kontribuar shumë në shkencën dhe teknologjinë globale, por ne, muslimanë e të krishterë, kemi dhënë një kontribut të pamatshëm në ruajtjen e humanitetit dhe vlerave njerëzore”, u shpreh ajo.

Koordinatori i Përhershëm i OKB-së në Shqipëri, Brian J. Williams, në fjalën e tij, theksoi vlerat pozitive të shqiptarëve dhe veçanërisht solidaritetin human të tyre në lidhje me persekutimin hebre, shembuj historikë që sot kanë nevojë ashtu si dje të sillen në vëmendjen e publikut.

“Shqipëria ka një histori shumë të bukur për ta ndarë me botën pasi gjatë periudhës së Holokaustit, shqiptarët qëndruan krah për krah me hebrenjtë e persekutuar në Evropë. Shqipëria është i vetmi vend në të cilin, popullata hebreje gjatë Holokaustit u rrit, për shkak të miqësisë e kurajos që treguan shqiptarët”, tha ai.

Zëvendësambasadorja e Izraelit në Tiranë, Liora Peleg, u shpreh shumë e emocionuar dhe falënderoi popullin shqiptar për kontributin madhor të treguar në ruajtjen e humanizmit kundër regjimeve totalitare.

Gjithashtu historiani dhe hulumtuesi, Profesor Andi Pinari, nëpërmjet shembujve historikë rrëfeu rrugën dhe kalvarin që ndoqën hebrenjtë nëpër Shqipëri, shpëtimi i të cilëve në gjatë Luftës së Dytë Botërore nuk është rasti parë historik i pikëtakimit mes dy popujve.

Në mbyllje të akivitetit, Rexhep Hoxha, pjestar i njërës prej familjeve që ka strehuar hebrenjtë, përmes emocioneve të përjetuara, falënderoi organizatorët për eventin dhe risjelljen në kujtesë të historisë.

Burimi: https://punetejashtme.gov.al/kujto-tjetrin-kujto-veten-mepj-organizon-aktivitet-ne-nderim-te-dites-nderkombetare-te-holokaustit/

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

INTERVISTA

Almira Emiri flet për “The Albanian”: Koncertet “IsrAlb Fest” janë dashuria ime e madhe

Pianistja e mirënjohur shqiptare, Almira Emiri, prej 24 vitesh jeton në Budapest të Hungarisë, me një karrierë të suksesshme ndërkombëtare.…

SPYZONE

A është “Carmel”, e ardhmja e pushkës izraelite?

Pushka automatike “Carmel” mund të jetë revolucioni i ardhshëm. Një armë e qëndrueshme dhe e besueshme, mund të jetë një…