Misioni i Shqipërisë në Kombet e Bashkuara, Departamenti i Komunikimit të Kombeve të Bashkuara si dhe Kongresi Botëror i Hebrenjve (World Jewish Congress), organizuan më 31 janar në sallën nr.1 të konferencave në selinë e OKB-së në Nju Jork, aktivitetin kushtuar shpëtimit të hebrenjve në Shqipëri gjatë Luftës së Dytë Botërore, në nderim të Ditës Ndërkombëtare të Holokaustit.

“Një Çështje e Humanitetit: Shpëtimi i Hebrenjve në Shqipëri gjatë Holokaustit”. Kështu titullohej tema e aktivitetit, në të cilën folën, Besiana Kadare, Përfaqësuesja e Përhershme e Shqipërisë në Kombet e Bashkuara, Ronald Lauder, Presidenti i Kongresit Botëror të Hebrenjve, prof. Shaban Sinanin, historian dhe autor i librit “Shqiptarët dhe Hebrenjtë: Mbrojtja dhe Shpëtimi”, Dr.Anna Kohen, familja e së cilës u shpëtua në Shqipëri gjatë Holokaustit dhe David Estrin, themeluesi i “Together We Remember” (“Së bashku Ne Kujtojmë”).

Një klip nga filmi “Besa” u shfaq me këtë rast për të pranishmit.

Dr. Anna Kohen, fëmijë e të mbijetuarve të Holokaustit foli për përvojën e familjes së saj gjatë Holokaustit në Shqipëri dhe si ka ndikuar kjo histori gjatë gjithë jetës së saj.

Majlinda Myrto, familja e të cilës është shquar në shpëtimin e hebrejve foli për konceptin e Besës dhe detyrimin që kanë shqiptarët ndaj mikut dhe njerëzve në nevojë.

Duke folur për këtë akt, Ambasadori në detyrë i Shteteve të Bashkuara, në OKB, Jonathan Cohen tha se “shqiptarët u shquan mes njerëzve të guximshëm që patën një ndikim të jashtëzakonshëm duke mbrojtur me mijëra në Ballkan, duke siguruar që t’i shpëtonin tmerreve të Holokaustit”.

“E përgëzojmë humanitetin e Shqipërisë ndaj hebrejve dhe konceptin e saj të Besës”, tha ai.
Takimin e përshëndeti edhe kongresisti Eliot Engel, Kryetar i Komitetit për Marrëdhënie Ndërkombëtare në Dhomën e Përfaqësuesve të Kongresit Amerikan.

Mes folësve ishte edhe David Estrin që drejton organizatën “Së bashku mbajmë mend” e cila përpiqet të fuqizojë të rinjtë, komunitet pas komuniteti, si dhe të sigurojë që #NeverAgain (KurrëMë të bëhet realitet.)

Të pranishëm ishin edhe kongresmeni amerikan, Eliot Engel, nënsekretarja e Departamentit të Komunikimit të OKB, Alison Smale, përfaqësues nga fetë e ndryshme në Shqipëri, rabini i Shqipërisë, Yisroel Finman, përfaqësues të trupit diplomatik të Kosovës, përfshirë Konsullen e Kosovës në Nju Jork, Teuta Sahatqija, shqiptarë dhe kosovarë me banim në Shtetet e Bashkuara.

An ?? imam, a pope and a rabbi spontaneously sitting together. True embodiment of Albanian inter religious harmony, as seen at our event @ the @UN on Albanians rescuing the Jews. Albanians sent a powerful message to the world through this story of hospitality, sacrifice & honor. pic.twitter.com/v99O5TdoYq

— Besiana Kadare (@besiana_kadare) January 31, 2019

Warm thanks to our co-hosts Amb Ronald Lauder & Robert Singer of WJC and @UN Department of Public Information, as well as to our distinguished panelists Anna Kohen, Majlinda Myrto and David Estrin for their powerful testimonies #GroupPicture pic.twitter.com/TAV8CCGyLG

— Besiana Kadare (@besiana_kadare) January 31, 2019

“Përfaqësuesja e Përhershme e Shqipërisë në OKB, Besiana Kadare, ndau historinë e pabesueshme të Besës shqiptare (Premtimit) gjatë Lufëtës së Dytë Botërore. Për shkak të asaj Bese, Shqipëria ishte vendimi i vetëm me më shumë hebrenj pas Holokaustit se para tij.”, shkruan në një postim në Twitter, Kongresi Botëror i Hebrenjve.

Albania’s Permanent Representative to the UN @besiana_kadare shared the incredible story of the Albanian’s Besa (promise) during WWII.

Because of this Besa, Albania was the only country with more Jews after the Holocaust than before.#WeRemember #HolocaustRemembrance pic.twitter.com/pZ2O48bRdG

— WJC (@WorldJewishCong) January 31, 2019

“Salla e mbushur plot sot për aktivitetin tonë në Kombet e Bashkuara për historinë e jashtëzakonshme të shqiptarëve që shpëtuan të gjithë hebrenjtë që banonin brenda kufijve të Shqipërisë gjatë Holokaustit. Krenare të jem pjesë e një kombi, i cili qëndroi në anën e duhur të historisë, në kohën e duhur dhe, bëri vendimin e duhur”, shkroi në Tëitter ambasadorja e Shqipërisë në OKB, Besiana Kadare.

Full room today for our event at the @UN on the exceptional story of Albanians who rescued all the Jews residing within Albania’s borders from #Holocaust. Proud to be part of a nation which stood on the right side of history, at the right time, and made the right decision ?? pic.twitter.com/4NT1ZxNmUc

— Besiana Kadare (@besiana_kadare) January 31, 2019

Grateful for the participation to our event of many friends of #Albania, & many Albanians from the diaspora in the US. Special thanks to @MarkGjonajNY @Teutasah @InesDemiri1, and the Albanian religious leaders of 3 faiths: Muslims, Christians, Orthodox #InterreligiousHarmony pic.twitter.com/dR8lAA3Vka

— Besiana Kadare (@besiana_kadare) January 31, 2019