Felicita Jakoel, “Shqiponja e Artë” që fluturon midis Shqipërisë dhe Izraelit

“Lici”, siç e thërrasin miqtë e saj në Tiranë, është kryetarja e Shoqatës së Miqësisë Izrael-Shqipëri.


Felicita Jakoel, apo “Lici”, siç e thërrasin miqtë e saj në Tiranë, është kryetarja e Shoqatës së Miqësisë Izrael-Shqipëri.

Prej 28 vjetësh, Felicita jep kontributin e saj të çmuar në forcimin e marrëdhënieve të Izraelit me Shqipërinë, qoftë në nivel politik, ashtu edhe në promovimin e turizmit shqiptar për ata izraelitë.

Felicita dhe babai i saj, Josef Jakoel në vitin 1992

E edukuar nga një baba shembullor, si hebreu i mençur Josef Jakoel, ajo u shndërrua në pikën kryesore të referimit të ndriçimit të rolit të shqiptarëve në shpëtimin e hebrenjve gjatë Luftës së Dytë Botërore, duke kontribuar maksimalisht në nderimin e tyre me titullin “Të Drejtë midis Kombeve” nga ana e Shtetit të Izraelit dhe Yad Vashem, Qëndra e Botërore për Përkujtimin e Holokaustit.

Par dy muajsh ajo u nderua me titullin “Shqiponja e Artë” nga ana e Shtetit shqiptar në Samitin e Dytë të Diasporës në Tiranë, si një vlerësim i merituar për veprimtarinë e saj dhe komunitetit shqiptaro-hebre që jeton në Izrael.

Ajo ka qenë gjithmonë e pranishme gjatë vizitave të nivelit të lartë në Izrael të presidentëve Bamir Topi dhe Bujar Nishani, të kryeministrave Sali Berisha dhe Edi Rama, apo të ministrave dhe deputetëve të shumtë.

 

Projekti i madh i saj – një ëndërr e të gjithë hebrenjve që kanë jetuar dhe atyre që banojnë aktualisht në Shqipëri – është ngritja e Muzeumit Hebraik në Shqipëri në “Rrugën e Hebrnjeve” në qytetin e Vlorës.

Felicita po bashkëpunon ngushtë me “American Albanian Developement Fondation” si dhe institucione shqiptare, Ministrinë e Kulturës dhe Bashkinë e Vlorës, për ngritjen e tij, ku do të ekspozohen artefakte autentike, për t’u dhënë mundësi vizitorëve të njohin historinë ende të patreguar plotësisht të bashkëjetesës disashekullore midis shqiptarëve dhe hebrenjve.

Sipas Jakoel, ky muze do të jetë unik në edhe në Europën për atë që ai do të ekspozojë, pasi do të ketë referenca historike jo vetëm për praninë dhe kontributin shquar të hebrenjve në jetën shoqërore dhe atë ekonomike në Shqipëri, por edhe do të tregojë historinë e humanizmit të shqiptarëve, vëllazërinë me hebrenjtë. Një histori dashurie dhe respekti të ndërsjellët.

Felicita Jakoel është një bashkëpunëtore e ngushtë e Ambasadës së Shqipërisë në Izrael, duke qenë promotore e shumë aktiviteteve me karakter shoqëror, për të mbajtur gjallë lidhjet e komunitetit hebre me Shqipërinë, veçanërisht në festimet me rastin e Ditës së Pavarësisë së Shqipërisë.

E diplomuar për Gjuhë-Letërsi, dhe punuar si një pianiste në Akademinë e Arteve në Tiranë, Felicita ka krijuar profilin e vet unik artistik, ku mbizotërojnë instalacionet me gurë, ku tematika mbetet shpesh Shqipëria.

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

IZRAEL

Izraeli ka gati pajisjen për të trajtuar pacientët me koronavirus në Kinë

Një pajisje e shpikur nga një mjek izraelit në Spitalin ALYN mund të përdoret në trajtimin e pacientëve me koronavirus…

SHQIPËRI

“Qytetet e Zgjuara”, Bashkia e Korçës merr pjesë në “MUNI-EXPO 2020” në Izrael

Shqipëria po merr pjesë në MUNI-EXPO 2020 në Izrael me një ekip nga qyteti i Korçës i kryesuar nga Z.…

KOSOVA

Arun Chaudhary, amerikano-hebreu që ndihmoi Albin Kurtin të bëhej Kryeministër

Arun Chaudhary ishte një nga strategët e Kurtit në videokomunikimet me qytetarët e Kosovës gjatë fushatës. Chaudhary, i cili ishte…

INTERVISTA

Ambasadori Gendler: Izraeli me projekte të rëndësishme në Shqipëri

Ambasadori i Izraelit në Shqipëri Noah Gal Gendler ka qenë i ftuar në emisionin ‘PASSPORT’ të gazetarit Arbër Hitaj në…

MILIARDERËT

Roman Abramovich blen shtëpi 63 milionë dollarë në Izrael

Miliarderi ruso-izraelit, Roman Abramovich, është i vendosur të blejë një shtëpi në Herzliya për 63 milionë dollarë nga menaxherja e…

SPYZONE

MicroLite, avioni futuristik izraelit për mbikëqyrje, i pari i këtij lloji në botë

Kompania ushtarake izraelite, Rafael Advanced Defense Systems, do të prezantojë në panairin 2020 Official Singapore Airshow (11-16 shkurt), avionin MICROLITE.