Carl Icahn, gjeniu amerikano-hebre i investimeve në SHBA me 17.7 mld dollarë

Carl Icahn, e nisi karrierën e tij Wall Street si një broker stoqesh në vitin 1961, kur ai ishte 25 vjeç. Sot 83-vjeçari amerikano-hebre ka një pasuri prej 17.7 miliardë dollarë


“Carl Icahn është një nga investitorët më të suksesshëm të Wall Street për dekada”.

Ky është vlerësimi që i bën revista “Forbes”, Carl Icahn, 83-vjeçarit amerikano-hebre, i cili aktualisht ka një pasuri prej 17.7 miliardë dollarë (sot 24 maj 2019).

Icahn, i cili është njeriu  i 61-ti më i pasur në botë, njihet për aftësinë e tij të jashtëzakonshme, për t’i shndërruar biznese thuajse të dështuara apo në rënie e sipër, në sipërmarrje me vlera të dhjetëra fishuara, por edhe një biznesmen që ble lirë dhe shet shumë shtrenjtë aksione.

Themeluesi i Icahn Enterprises është jo vetëm biznesmen dhe investitor, por dhe një filantropist i madh.

Në dhjetor 2016, Presidenti i SHBA-ve, Donald Trump, i kërkoi Icahn të ishte këshilltari i tij ekonomik special për rregullimet financiare brenda administratës së tij, rol që e luajti deri në gusht të vitit 2017.

 

Carl Icahn dhe Donald Trump

Icahn u rrit në një familje hebreje, në Nju Jork. Prindërit e tij, Michael dhe Bella Icah ishin të dy mësues shkolle, babai i tij ishte më parë këngëtar në një sinagogë. Ai u diplomua si “Baçelor” për filozofi në  Universitetin Princeton – Carl i dhuroi më vonë 5 milionë dollarë – , dhe më pas hyri në Shkollën Mjekësore në New York University, por që e la pas dy vjetësh për t’u bashkuar me ushtrinë rezervë.

Icahn e nisi karrierën e tij Wall Street si një broker stoqesh në vitin 1961, kur ai ishte 25 vjeç, ndërsa në moshën 32 vjeçare (1968), ai themeloi firmën e tij të sigurimeve Icahn & Co, të fokusuar në arbritrazhet e riskut dhe opsionet e tregtisë.

Ai është një nga investitorët më të mirënjohur dhe me influencë në Amerikë.

Në vitin 1978, ai filloi të blinte përqindje thelbësore dhe disa herë edhe kontrolluese në kompani individuale. Gjatë viteve ai pati përqindje apo dhe paketa kontrolluese në kompani të tilla si RJR Nabisco, Texaco, Phillips Petroleum, Western Union, Gulf & Western, Viacom, Uniroyal, Dan River, Marshall Field, E-II (Culligan and Samsonite), American Can, USX, Marvel, Revlon, ImClone, Fairmont, Kerr-McGee, Time Warner, Yahoo!, Lions Gate, CIT, Motorola, Genzyme, Biogen, BEA Systems, Chesapeake Energy, El Paso, Amylin Pharmaceuticals, Regeneron, Mylan Labs, KT&G, Lawson Software, MedImmune, Dell, Herbalife, Navistar International, Transocean, Take-Two, Hain Celestial, Mentor Graphics, Netflix, Forest Laboratories, Apple dhe eBay.

Icahn njihet për blerjet e bujshme të aksioneve në kompanitë më të mëdha amerikane. Ai ka aksione me një vlerë prej 8 miliardë dollarë tek gjiganti Apple.

Bëj "like" dhe ndiq lajmet e fundit nga Izraelisot.com
Bëj “like” dhe ndiq lajmet e fundit nga Izraelisot.com

Por, edhe aspekti filantropist nuk është i parëndësishme për Carl Icahn. Interesat e tij të bamirëisë janë të fokusuara në mjekësi, edukim dhe mirëqenien e fëmijëve. Në vitin 2012, në shenjë mirënjohje për dhuratën e tij 200 milionë dollarëshe, Mount Sinai School of Medicine u riquajt Icahn School of Medicine at Mount Sinai dhe Institute of Genomics u riquajt Icahn Genomics Institute.

Ai ka dhe një statium “Icahn Stadium” në Nju Jork.

Icahn ka themeluar fondacionin e tij, Children’s Rescue Fund, i cili ka ndërtuar edhe një bllok ndërtesash, ku u vjen në ndihmë të pastrehëve, nënave me fëmijë që kërkojnë strehim.

Në vitin 2016, Icahn dhuroi 1 milion dollarë për grupet e veteranëve të SHBA-ve, një “fundraiser” i organizuar nga Donald Trump.

Carl Icahn, Donald dhe Melania Trump

 

Icahn është nderuar me një numër të madh medaljesh.

Icahn është martuar dy herë, fillimisht (1979 )me balerinën nga ish-Çekosllovakia, Liba Trejbal, me të cilën pati dy fëmijë, dhe pas divorcit (1999), ai u martua me asistenten e tij, Gail Golden.

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

IZRAEL

Koronavirusi/ Izraeli ndryshon linjën e prodhimit të raketave për të bërë respiratorë

Izraeli po ndërron disa linja prodhimit të raketave për të bërë aparate respiratore në përpjekjet për të luftuar mungesat kombëtare…

SHQIPËRI

Investime izraelite në Shqipëri, “Big Mall Group” bashkëpunim me “Hysenbelliu Group”

Grupi izraelit “Big Mall Group” po bashkëpunon me “Hysenbelliu Group”, për të realizuar investime Shqipëri: në infrastrukturë, sektorin e energjisë…

KOSOVA

Arun Chaudhary, amerikano-hebreu që ndihmoi Albin Kurtin të bëhej Kryeministër

Arun Chaudhary ishte një nga strategët e Kurtit në videokomunikimet me qytetarët e Kosovës gjatë fushatës. Chaudhary, i cili ishte…

INTERVISTA

Ambasadori Gendler: Izraeli me projekte të rëndësishme në Shqipëri

Ambasadori i Izraelit në Shqipëri Noah Gal Gendler ka qenë i ftuar në emisionin ‘PASSPORT’ të gazetarit Arbër Hitaj në…

MILIARDERËT

Roman Abramovich blen shtëpi 63 milionë dollarë në Izrael

Miliarderi ruso-izraelit, Roman Abramovich, është i vendosur të blejë një shtëpi në Herzliya për 63 milionë dollarë nga menaxherja e…

SPYZONE

Oficeri i Mossad: Luftë e ashpër mes shërbimeve inteligjente në botë për ventilatorë me çdo kusht

Shefi i departamentit të teknologjisë në shërbimin e inteligjencës Mossad të Izraelit tha se vendet janë futur në një betejë…