Aktivisti i njohur kosovar, Arlind Imeri, në cilësinë e organizatorit të “Marshit paqësor në përkrahje të popullit Hebre”, pranë Ministrisë së Punëve të Jashtme, deklaroi se do t’i dorëzojë një kërkesë Ministres Znj. Donika Schwarz, për të iniciuar shpalljen e organizatës Hamas si organizatë terroriste.

Postimi i plotë

Të nderuar miq,

Të nderuara media,

Nëpërmes këtij njoftimi dua të ju bëjë ftesë të gjitha mediave të Kosovës që nesër, më 26.05.2021, në ora 10:00, në cilësinë e organizatorit të “Marshit paqësor në përkrahje të popullit Hebre”, pranë Ministrisë së Punëve të Jashtme, do t’i dorëzoj një kërkesë Ministres Znj. Donika Schwarz, për të iniciuar shpalljen e organizatës Hamas si organizatë terroriste.

Kërkesën e kemi bazuar në ligjet në fuqi por edhe në praktikat e tjera ndërkombëtare.

Vlen të theksohet se Republika e Kosovës vazhdimisht ka pasur kërkesa nga vendet mike të sajë për të futur grupin Hamas si një formacion terrorist.
Futja e grupit Hamas në listën e organizatave terroriste të njohura zyrtarisht nga Republika e Kosovës do të kontribuonte jashtëzakonisht shumë edhe në imazhin tonë dhe gjithashtu do të ishte edhe një sinjal i mirë për miqtë tanë ndërkombëtar se vendi ynë gjithmonë do të jetë i përkushtuar për të luftuar terrorizmin.

Kosova ka nevojë të determinoj përfundimisht qëndrimin e saj karshi sulmeve terroriste në shtetin e Izraelit, shtet ky me të cilin kemi edhe marrëdhënie diplomatike.