Presidenti Meta çmon veprimtarinë e Shoqatës së Miqësisë Shqipëri-Izrael me Titullin “Kalorës i Urdhrit të Flamurit”


Me rastin e 27 janarit, Ditës Botërore të Kujtesës për viktimat e Holokaustit, Presidenti i Republikës, Ilir Meta çmoi sot Shoqatën e Miqësisë Shqipëri-Izrael me Titullin “Kalorës i Urdhrit të Flamurit”.

Kreu i Shtetit i dorëzoi kryetarit të Shoqatës së Miqësisë Shqipëri-Izrael, Prof. Dr. Petrit Zorbës, Titullin “Kalorës i Urdhrit të Flamurit” me motivacionin: “Me mirënjohje për kontributet e qenësishme të dhëna nëpërmjet veprimtarisë së saj të vyer tridhjetëvjeçare, për bashkëpunimeve të frytshme me Shtetin e Izraelit, SHBA-në, vende të ndryshme të Europës dhe me OKB-në, në drejtim të zgjerimit dhe thellimit të marrëdhënieve mes dy vendeve dhe kombeve, duke dokumentuar dhe lartësuar shembullin e rrallë të mbrojtjes së hebrenjve nga shqiptarët gjatë periudhës së errët të Holokaustit.”

Presidenti Meta vlerësoi gjithashtu edhe kryetarin e Shoqatës së Miqësisë Shqipëri-Izrael, Prof. Dr. Petrit Zorbën me Titullin “Naim Frashëri”: “Me mirënjohje për veprimtarinë e çmuar 20-vjeçare në drejtim të Shoqatës së Miqësisë Shqipëri-Izrael, duke kontribuar denjësisht në thellimin dhe forcimin e marrëdhënieve historike mes dy vendeve dhe kombeve.”

Në fjalën e tij përshëndetëse, Presidenti Meta u shpreh se shqiptarët krenohen që harmonia dhe toleranca ndërfetare është një shembull për mbarë botën.

  • foto galeri
  • foto galeri
  • foto galeri
  • foto galeri
  • foto galeri
  • foto galeri

MESAZHI I PRESIDENTIT META
“Sot, në Ditën Ndërkombëtare të Kujtesës, ditë në të cilën mbarë bota kujton me miliona jetë hebrenjsh të humbura gjatë Holokaustit, është kënaqësi e veçantë të vlerësojmë Shoqatën e Miqësisë Shqipëri-Izrael me Titullin e lartë ‘Kalorës i Urdhrit të Flamurit’, si edhe t’i akordojmë Titullin e lartë “Naim Frashëri” Prof. Dr. Petrit Zorba, drejtues i kësaj shoqate prej dy dekadash.

E themeluar në vitin 1991, Shoqata e Miqësisë Shqipëri-Izrael ka shërbyer për forcimin e mëtejshëm të marrëdhënieve të ngushta e të shkëlqyera, që ekzistojnë midis vendit tonë dhe Izraelit, duke promovuar vlerat kulturore dhe historike, si edhe duke dhënë një kontribut të çmuar në thellimin e bashkëpunimit në fusha të ndryshme midis vendeve tona.

Gjatë kësaj periudhe, kjo shoqatë ka dhënë një ndihmesë të shumanshme, në organizimin e veprimtarive të përbashkëta dhe të larmishme, midis Shqipërisë dhe Izraelit.

Ajo ka ndihmuar në dërgimin e studentëve shqiptarë për studime e kualifikime pasuniversitare dhe ka organizuar projekte të përbashkëta, me universitete dhe institucione të ndryshme në Izrael, SHBA dhe vende të tjera.

Ajo ka mundësuar realizimin e botimeve të ndryshme të autorëve nga të dyja vendet, realizimin e filmave dokumentarë, mbi historinë e përbashkët të dy popujve tanë, sidomos mbrojtjen që shqiptarët u bënë hebrenjve gjatë Luftës së Dytë Botërore.

Kontributi i saj ka qenë shumë i rëndësishëm në heqjen e vizave midis vendeve tona, por edhe në promovimin e turizmit, duke iniciuar punën për organizimin e fluturimeve të para për turistët nga Tirana në Tel-Aviv, e duke vijuar me iniciativa të tjera, për të forcuar turizmin dhe biznesin.

Aktiviteti i kësaj shoqate është zgjeruar përtej Shqipërisë, duke u shtrirë në të gjitha trevat shqiptare, duke kontribuar në ngritjen e shoqatës homologe të saj në Prishtinë, në bashkëpunimin me Institutin e Trashëgimisë Shpirtërore e Kulturore të Shqiptarëve në Shkup.

Marrëdhënia e shkëlqyer midis Shqipërisë dhe Izraelit është e hershme dhe e fortë, edhe dy popujt tanë ndajnë histori shumë të fortë të miqësisë dhe besës, të cilat njihen botërisht.

Ne jemi krenarë që, gjatë Luftës së Dytë Botërore, në vendin tonë, asnjë hebre nuk iu dorëzua nazistëve dhe jo vetëm kaq por numri i tyre ishte disa herë më i madhe pas Luftës së Dytë Botërore.

Familjet shqiptare, të gjitha besimeve mbrojtën popullin hebre në Shqipëri nga shfarosja e pashpirt naziste, duke treguar shpirtin fisnik, zemërgjerë e vet mohues, të popullit tonë.

Besa e shqiptarit triumfoi mbi frikën dhe mbi të keqen dhe tregoi zemrën e madhe dhe vlerat e rralla të popullit tonë, të popullit të Nënë Terezës.

Falë Besës së shqiptarëve, Kodit të Nderit, siç quhet edhe nga Yad Vashem, Qendra Botërore e Përkujtimit të Holokaustit në Jerusalem, në Shqipëri kishte shumë më tepër hebrenj në fund të Luftës së Dytë Botërore, se sa përpara fillimit të kësaj lufte.

Kur jepet numri i hebrenjve në çdo vend, para dhe pas Luftës së Dytë Botërore, i vetmi që del me një bilanc shumë pozitiv është vendi ynë dhe çdo shqiptar ndihet krenar kur shikon një fakt të tillë.

Që në vitin 1934, ambasadori amerikan në atë kohë, Herman Bernstein, shkruajti: ‘Nuk ka gjurmë të diskriminimit të hebrenjve në Shqipëri, sepse Shqipëria është një nga trevat e rralla të Europës sot, ku paragjykimi dhe urrejtja fetare nuk ekziston, pavarësisht se shqiptarët kanë tri besime’.

Edhe sot, ne krenohemi që, jo vetëm nuk ekziston paragjykimi dhe urrejtja fetare në vendin tonë, por krenohemi që harmonia dhe toleranca ndërfetare është një shembull për mbarë botën dhe duhet të jetë kështu gjithmonë.

Duke shprehur dhe një herë mirënjohje të thellë për punën tuaj 30 vjeçare, me respekt të veçantë për kontributin e dhënë nga anëtarët dhe drejtuesit e saj ndër vite, si zoti Refik Veseli dhe Prof. Dr. Petrit Zorba, unë i uroj suksese të mëtejshme Shoqatës së Miqësisë Shqipëri-Izrael për forcimin edhe më të ngushtë të marrëdhënieve të forta historike dhe shpirtërore midis dy popujve dhe kombeve tona!”

Lexo më shumë

Muzeu Hebraik në Vlorë, Rama: Shpëtimi i hebrenjve, një prej faqeve më të arta të historisë së shqiptarëve

Projekti fitues për muzeun u prezantua nga studio e njohur izraelite “Kimmel Eshkolot Architects”.

Izrael

Putin i kërkon falje Izraelit për deklaratën e Lavrovit se “Hitleri kishte gjak hebre”

Vladimir Putin ka kërkuar falje për deklaratën e shefit të diplomacisë ruse, Sergei Lavrov, i cili pati thënë se “Hitleri,…

Shqipëri

Muzeu Hebraik në Vlorë, Rama: Shpëtimi i hebrenjve, një prej faqeve më të arta të historisë së shqiptarëve

Projekti fitues për muzeun u prezantua nga studio e njohur izraelite “Kimmel Eshkolot Architects”.

Kosove

“Marrëveshjet Abraham”, ambasadorja Ines Demiri fjalim për arritjet dhe përfitimet Kosovë-Izrael

Ambasadorja e Kosovës në Izrael, Ines Demiri, mori pjesë takimin e radhës të Grupit të Knessetit për Promovimin e "Marrëveshjeve…

OPED

Pesë mrekullitë e Izraelit

Izraeli nuk u mjaftua vetëm për mbijetesën. Ai synonte shumë më lart - të lulëzonte

Bota

Britania e Madhe e shpall Hamasin organizatë terroriste

Çdo anëtar i organizatës dhe ata që e mbështesin atë brenda Britanisë së Madhe, mund të dënohen me burgim deri…

Spyzone

Çfarë mund të mësojnë Izraeli dhe fuqitë e tjera ushtarake nga Lufta Rusi-Ukrainë

Fleksibiliteti, logjistika dhe përdorimi i armëve inovative janë çelësat e fitores.