Jerusalem, 10 janar 2015 – Kryeministri i Izraelit, Benjamin Netanyahu udhëzoi ministrin e Punëve të Jashtme, Avigdor Lieberman dhe kreun e Mosadit, Tamir Pardo, për të dhënë “çdo ndihmë të mundshme” autoriteteve franceze në ndriçimin e vrasjve të Charlie Hebdo dhe dy pengmarrjeve në Paris.

Lajmin e bëri të ditur zëdhënësi i Netanyahut, Ofir Gendelman përmes një njoftimi në rrjetin social “Tweeter”.

Kryeministri Netanyahu gjithashtu takoi ambasadorin francez në Izrael, Patrick Maisonnave, duke riafirmuar dëshirën e Izraelit për të punuar së bashku me Francën në “mposhtjen e armiqve të vlerave të demokracisë”.

Gjatë sulmit terrorist në selinë e Charli Hebdo në Paris u vranë 12 njerëz, përfshirë karikaturistin hebre Georges Wollinski.

Forcat e policisë franceze vranë të premten, dy terroristët, vëllezërit Kouashi.