Shërbimi inteligjent izraelit, Mossad, i ka dhënë një tendencë moderne rekrutimit të agjentëve përmes shërbimit të tij online, me të njëjtën filozofi që ka CIA në Shtetet e Bashkuara apo MI5 në Britaninë e Madhe.

Mossad i ka kushtuar një rëndësi të madhe rekrutimit online të spiunëve, duke lehtësuar procedurat e procesit të atyre që dëshirojnë të bëhen agjentë sekretë.

Faqja online shërbimit izraelit ofron informacion dhe një seri specifike pyetjesh e fushash në anglisht, frëngjisht, arabisht, persisht, rusisht dhe sigurisht hebraisht.

Mr. Mossad u bën thirrje kandidatëve të mundshëm të “krijojnë histori”: ° Bashkkohu me ne per ta pare të padukshmen dhe për të bërë të pamundurën”.

Informacioni në internet i faqes së Mosad përmban informacione të përgjithshme rreth agjencisë, historisë së tij, drejtorëve dhe aplikimin për një punë fillestare.

Në rast se kandidati është i ftuar për një intervistë, atëherë ka më shumë se tre formularë të tjerë të detajuar, të cilat duhet të plotësohen me dorë: një raport mjekësor konfidencial, pyetësor rreth sigurisë dhe një tretë në lidhje me bashkëshorten apo partnerin.

Fushata e rekrutimit shoqërohet edhe me disa video të shkurtra nga agjentë të Mossad, ashtu siç është edhe fjala hyrëse e drejtorit të agjencisë, Tamir Pardo.

“Ne duhet të vazhdojmë të rekrutojmë njerëzit me të mirë në shërbimet tona, kështu që Mosad do të vazhdojë të udhëheqë, mbrojë dhe mundësojë ekzistencën e Shtetit të Izraelit”, thuhet në fjalën e shefit të Mossad, Tamir Pardo.

Operacionet e Mosad dhe aktivitet i tij është sekret, ashtu sikundër qëndrojnë anonimë edhe njerëzit e tij.

“Kapitali cilësore njerëzor i Mossad është edhe sekreti i suksesit tonë”, thekson Pardo.

Mosad premton në faqen e tij online, se çdo e dhënë personale e marrë nga aplikantët do të jetë absolutisht e sigurt dhe nuk do të bëhet kurrë publike. Ajo këshillon, se formularët online duhet të plotësohen nga një kompjuter i sigurt deh se duhet eliminuar historia e brauzerit menjëherë pasi puna të jetë bërë.

Mosad, hebraisht “Instituti”, është emri i shkurtuar për “Instituti për Inteligjencën dhe Operacionet speciale”. AI është themeluar në vitin 1949.

Mosad është bërë i famshëm për efikasitetin e tij, sidomos për operacionet jashtë Izraelit, duke ndjekur fillimisht ish-nazistët përgjegjës për Holokaustin, dhe më pas kundër terroristëve që kanë sulmuar Izraelin kudo në botë, siç është vrasja e liderëve palestinezë të Shtatorit të Zi, të cilët ishin pas masakrës të sportistëve izraelitë në Lojërat Olimpike Munih 1972, si dhe një numri qytetarësh izraelitë të vrarë në Afrikë, Europë dhe Lindjen e Mesme.