Gara e famshme çiklistike “Giro d’Italia” këtë vit nis nga Jeruzalemi
Edicioni me numër 1010 i garë çiklistike “Giro d’Italia” do të fillojë nga Izraeli,i programuar për më 4 maj.
Rruga do të fillojë nga Jerusalemi, pastaj do të vazhdojë në Haifa, Tel Aviv, Be’er Sheva dhe Eilat.
Lajmin e bëri të ditur portali italian, Ttgitalia.com.
“Një nga qëllimet tona, – shpjegon Mariagrazia Falcone, drejtoreshë e Zyrës së Shtypit të Zyrës Kombëtare të Turizmit të Izraelit, – është që ta përshtatim turizmin duke u fokusuar edhe në ngjarjet sportive, në të cilat po bëhen investime të mëdha”.
Janë planifikuar pesë maratona, plus ngjarje të tjera që lidhen me çiklizmin.
“Vendimi për ta nisur një nga garat më të famshme në botë, përsa i përket çiklizmit profesionist, nga Izraeli nuk është rastësor. Këtë vit, në fakt, “Giro d’Italia” do t’i kushtohet Gino Bartalit, i cili gjatë Holokausit ndihmoi në shpëtimin e mbi 700 hebrenjve”, shton Falcone.
Kontributi i madh financiar i një hebreo-amerikani, bëri të mundur që kjo garë e rëndësishme të bëhet në Izrael. Me këtë rast do të prodhohet edhe një bluzë e personalizuar përkujtimore që do të tregojë vendet e nisjes. / Izraeli Sot/