Izraeli renditet në vendin e 15-të në botë për vitin 2017 përsa i përket fuqisë ushatarake.

Global Firepower ka bërë renditjen e 133 vendeve në planet, duke marrë në konsideratë 50 faktorë të ndryshëm.

Shqipëria renditet në vendin e 90-të.

Fuqitë më të mëdha ushtarake në botë janë Shtetet e Bashkuara, të ndjekura nga Rusia dhe Kina.

Në Top 10 janë dhe India (4), Franca (5), Britania (6), Japonia (7), Turqia (8), Gjermania (9), Egjipti (10).

Me një popullsi prej 8.2 milionë banorë (vendi i 90-të nga 133 vendet e marrë në konsideratë), Izraeli ka 168,250 ushtarë të gatshëm (vendi i 32-të në botë), ndërsa 550,000 janë rezervë, që në total bëjnë 718.250 trupa ushtarake.

Kina ka më shumë ushtarë të gatshëm: 2,260.000, e ndjekur nga SHBA, 1.373,650. Shqipëria ka 50 mijë ushtarë (vendi i 66-të nga 133 vende).

Izraeli ka një buxhet prej 15.5 miliardë dollarë për ushtrinë, duke u renditur i 14-ti në botë përsa i përket shpenzimeve ushtarake (SHBA-ja e ka 587.8 miliardë USD, Shqipëria 110 milionë USD).

Ka 652 avionë dhe helikopterë luftarakë (vendi i 18-të në botë), 2620 tanke (vendi i 10-të), 65 anije të ndryshme ushtarake.