75-vjetori i deportimit të hebrenjve në Treblinka, Maqedonia dënon Holokaustin

Në mëngjesin e 11 marsit të vitit 1943, 131 familje nga Shtipi u dërguan me forcë në ish-Monopolin në Shkup, ku më 25 mars të vitit 1943 me vagon transportues u depërtuan në kampin nazist Treblinka.

Për deportimin e hebrenjve nga Shtipi sot në Këshillin e Komunës së Shtipit u mbajt një seancë përkujtimore në kuadër të kremtimit të 75- vjetorit të Holokaustit të hebrenjve të Maqedonisë, shkruan portali Lajmpress.com, që botohet në Maqedoni në gjuhën shqipe.

Aty morën pjesë përfaqësues të Bashkësisë Hebraike në Republikën e Maqedonisë, Ministri i Shëndetësisë Venko Filipçe, Sekretari i Shtetit në Ministrinë e Shëndetësisë, Vladimir Milloshev, Kryetari i komunës të Shtipit, Blagoj Boçvarski, përfaqësues nga Ambasada Amerikane, këshilltarë dhe përfaqësues të institucioneve shtetërore nga Shtipi.

“E dënojmë Holokaustin, e dënojmë mohimin dhe shtrembërimin e Holokaustit, si dhe të gjitha format e gjenocidit dhe shkeljet e të drejtave të njeriut siç janë antisemitizmi, diskriminimi, gjuha e urrejtjes, ksenofobia, racizmi. Ne të gjithë duhet të kujtojmë se çdo viktimë nuk është vetëm numër, por ka emrin e vet. Maqedonia humbi një pjesë të madhe të kulturës së saj me vdekjen e 98 përqind të popullatës hebraike”, tha kryetari i komunës Boçvarski.

Pepo Levi nga Bashkësia Hebraike në Republikën e Maqedonisë përkujtoi se Maqedonia humbi 7 144 hebrenj në Treblinka – hebrenj nga Shtipi, Manastiri dhe Shkupi, të cilët më asnjëherë nuk i kanë parë qytetet e tyre të lindjes përsëri.

Gjatë Luftës së Dytë Botërore, nga Maqedonia u dëbuan 7.144 hebrenj dhe u dërguan në kampin e vdekjes Treblinka në Poloninë e pushtuar. Grumbullimi i hebrenjve prej disa qyteteve në të gjithë Maqedoninë filloi natën ndërmjet 10 dhe 11 marsit të vitit 1943, ku më pas ata u sollën në Shkup në ndërtesën e monopolit./Izraeli Sot/

Lexo më shumë

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

INTERVISTA

Marie Van der Zyl: Populli shqiptar ka një respekt të madh për hebrenjtë

Presidentja e Bordit të Deputetëve të Hebrenjve Britanikë, intervistë në televizionin shqiptar News24

SPYZONE

Tri kompani izraelite renditen midis 100 shitësve më të mëdhenj të armëve

Elbit Systems Ltd, shiti 3.2 miliardë dollarë armë në vitin 2017, duke u renditur e 28-ta në listë.