Firma elektronike izraelite, Orbotech, u ble nga kompania amerikane me qendër në Kaliforni, KLA Tencor, për shumën e 3.4 miliardë dollarëve.

Bazuar në qytetin qendror të Yavne, Orbotech specializohet në zhvillimin dhe prodhimin e elektronikës, duke përfshirë bordet e qarqeve të shtypura, ekranet e sheshtë dhe gjysmëpërçuesit. Kompania është themeluar në vitin 1981 dhe punëson rreth 2,500 njerëz

Orbotech është një shembull i një kompanie që u përpoq të rritet dhe të bëhet një korporatë e madhe në Izrael përpara se të shitet, në krahasim me shumë startupe e izraelite, të cilat bëjnë “dalje” të shpejta dhe fitimprurëse.

KLA Tencor ka një kapitalizim prej gati 19 miliardë dollarësh, ndërsa Orbotech vlerësohet nga tregjet me 2.9 miliardë dollarë.

Kryeministri izraelit, Benjamin Netanyahu vlerësoi marrëveshjen në Twitter. “Isha i lumtur të dëgjoj se kompania, e cila punëson 2,500 punëtorë, do të vazhdojë të operojë jashtë Yavne. Lajme të mira për sektorin hi-tech dhe ekonominë izraelite,” shkroi ai.