Ministri Yuval Steinitz, i cili është anëtar i Kabinetit të Sigurisë së Izraelit, e bëri shumë të qartë se Izraeli synon të vrasë presidentin sirian Bashar Assad, nëse Assad vazhdon të lejojë Iranin të operojë në territorin sirian, tha Steinitz në një intervistë me YNet të hënën.

“Nëse presidenti sirian Bashar Assad vazhdon t’i lejojë iranianët të veprojnë nga territori sirian, Izraeli do ta eliminojë atë dhe do të rrëzojë regjimin e tij”, tha Steinitz.

Në mediat izraelite u raportua se Irani po planifikonte një goditje raketore mbi Izraelin, ndoshta duke përdorur proxitë e saj në Siri, duke përfshirë Hezbollahun.

Steinitz tha: “Deri tani, Izraeli nuk ka ndërhyrë në luftën civile siriane. Nëse Assad lejon Iranin ta transformojë Sirinë në një bazë ushtarake kundër nesh, për të na sulmuar nga territori sirian, ai duhet të dijë se ky është fundi i tij”.