Israir, shoqëria ajrore izraelite, vazhdon të bëjë reklamë për atë se çfarë i presin turistët hebrenj në Shqipëri.

Kësaj radhe, ajo u ofron turistëve izraelitë informacion mbi plazhin e Golemit.

“Pra, pasi ju kemi folur për peizazhet, artin dhe jetën e natës urbane të Shqipërisë, është koha për një kthim të vëmendjes në qytetin bregdetar të Golemit, Vetëm 35 km nga kryeqyteti, Tirana, së bashku me një bregdet të mahnitshëm, të pastër dhe mirëmbajtur – dhe një bulevard hotelesh, disa të vogla dhe familjare, disa komerciale dhe plot tërheqje për të gjithë familjen”, shkruan Israir në faqen e tij zyrtare në Facebook, me mbi 63 mijë ndjekës.

Hoteli që izraelitët kanë zgjedhur është “Grand Fafa”.

“Hoteli me 5 yje GRAND FAFA BLU në qytetin e Golemit dhe mikpritja ‘all-inclusive’ (të gjitha të përfshira) ju fton të shijoni një eksperiencë të vërtetë të diellit, detit, ushqimit të mirë dhe shumë tërheqjeve në të gjithë familjen! Kështu pra, le të njohim qytetin tuaj të ri turistik, Golemin në Shqipëri”, vazhdon mesazhi i Israir.

Israir do të kryejë fluturime direkte me avionët e tij nga Tel Avivi në Tiranë, ndërkohë që kompania e udhëtimeve luan rolin edhe një të një agjencie udhëtimesh, duke ofruar disa paketa në hotele të ndryshme shqiptare, përfshirë Rogner Europapark, Mak Tirana Hotel, Hotel Sokrat, etj.

Udhëtimi i parë direkt i parashikuar është 29 qershor 2018.