Netanyahu takon Makron: Franca të vendosë sanksione ndaj Iranit
Kryeministri i Izraelit u takua me presidentin francez në Paris, pas takimit me kancelaren gjermane Merkel në Berlin
Kryeministri Benjamin Netanyahu tha të martën se ai nuk kërkoi nga Presidenti francez Emmanuel Makron të tërhiqte Francën nga marrëveshja bërthamore e Iranit, sepse ai beson se sanksionet e reja të SHBA kundër Republikës Islamike do të fundosin marrëveshjen e vitit 2015.
Netanyahu u takua me Makron në Pallatin Elysee në Paris si pjesë e turneut të tij evropian, me qëllim që të siguronte mbështetjen e aleatëve kundër Iranit. Përveç marrëveshjes bërthamore, kryeministri gjithashtu ngriti çështjen e nxitjes së forcave iraniane nga Siria, shkruan “Times of Israel”.
“Unë nuk e kam kërkuar Presidentin Makron të tërhiqet nga marrëveshja bërthamore me Iranin sepse mendoj se do të rrëzohet gjithsesi së shpejti nën presionin nga sanksionet amerikane,” tha ai në një konferencë të përbashkët shtypi me Macron pas një takimi me dyer të mbyllura midis dy udhëheqësve.
“Ajo në çfarë ne u përqendruam dhe se në çfarë unë u përqendrova, është se si të ndalojmë agresionin iranian në rajon”, tha ai.
Megjithatë, Netanjahu nxiti udhëheqësin francez të vendoste sanksione ekonomike ndaj Iranit për të ndihmuar në largimin e tij nga ndjekja e një arme bërthamore.
Kryeministri i Izraelit u takua me presidentin francez në Paris, pas takimit me kancelaren gjermane Merkel në Berlin, ndësa do të takohet edhe me kryeministren e Anglisë, Tereza May.