Gjiganti holandez Philips është duke blerë kompaninë EPD Solutions, me qendër në Caeasera, të themeluar nga Prof. Shlomo Ben-Haim, e cila zhvillon sisteme të imazheve kardiake dhe shërben si sistem navigimi për pacientët që kanë pasur çrregullime te zemrës.

Sistemi që përdor EPD është unik, pasi jep një pamje anatomike tredimensionale të zemrës gjatë procesit të saj.

Philips do të paguajë 250 milionë euro “cash” dhe një tjetër shumë prej 210 milionë eurosh, nëse kompania izraelite do të arrijë disa objektiva specifikë, shkruan Calcalsit.co.il.

Prof. Shlomo Ben-Haim është një nga sipërmarrësit lider në industrinë e shkencave të jetës, me një seri suksesesh, përfshirë dhe shitjen e Biosens te Johnson & Johnson më 1997 për rreth 450 milionë dollarë.

Blerja e kompanisë izraelite i lejon Philips të fusë këmbët në tregun e arritmisë kardiake, e cila sipas CEO-s së gjigantit holandez, Frans van Houten, ka aktualisht një vlerë prej 2 miliardë dollarë.