“Shtëpia e Jetës”, Elisa Spiropali: Shqipëria, vend etalon për shpëtimin e hebrenjve

Ministrja e Shtetit për Marrëdhëniet me Parlamentin, mesazh në rrjetin social “Facebook”


Sot, në Ditën Ndërkombëtare të Përkujtimit në nderim të viktimave të Holokaustit, Shqipëria u shpall “Shtëpia e Jetës” nga Fondacioni Ndërkombëtar ‘Raoul Wallenberg”.

Ministrja e Shtetit për Marrëdhëniet me Parlamentin dhe njeherësh zëdhënësja e Qeverisë, Elisa Spiropali, në mesazhin e saj në rrjetin social “Facebook”, e konsideron Shqipërinë si “vend unik ku numri i hebrenjve nuk u pakësua, por u shtua gjatë Luftës, si një parajsë e sigurt për refugjatët që i iknin terrorit”.

“Të lidhur me Besa-Besë, shqiptarët i dhanë botës mesazhin se kurajoja dhe humanizmi janë etalon i gdhendur ndër shekuj në viset tona, duke i strehuar dhe mbrojtur hebrenjtë, pa u frikur për t’i dorëzuar nazistëve asnjë prej tyre. Përkujtojmë me nderim të thellë viktimat e Holokaustit, një prej masakrave më të mëdha që ka njohur historia e njerëzimit, duke u zotuar se do të jemi gjithmonë strehë e paqtë, ashtu si vend i harmonisë fetare, Besës, nderit dhe respektit”, shkruan ministrja Spiropali.

Të pranishëm në përurimin e pllakatës ishin edhe presidenti i Shqipërisë, Ilir Meta, ministra dhe deputetë, ambasadori i Izraelit në Tiranë, Boaz Rodkin, rabini Yisroel Finman si dhe përfaqësues të komuniteteve fetarë në Shqipëri, si dhe përfaqësues të Fondacionit Ndërkombëtar ‘Raoul Wallenberg”.

 

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

INTERVISTA

Kompozitori i famshëm izraelit, Boris Pigovat: “Lule Bore” e meriton të jetë himni i “IsraAlb”

Boris Pigovat është një nga emrat më të mëdhenj të muzikës izraelite dhe asaj botërore. Kënga e famshme shqiptare “Lule…

SPYZONE

Izraeli, 7.5 miliardë dollarë në 2018 nga eksportet ushtarake

Vëllimi i shitjeve të kompanive të mbrojtjes izraelite pasqyroi dhjetëra marrëveshje në mbarë botën.