Margariti: Shumë pranë ngritjes së Muzeut unikal të hebrenjve

Mbështetja unikale të shqiptarëve për shpëtimin dhe ruajtjen e hebrenjve gjatë Luftës II Botërore


TIRANË, 5 mars /ATSH/ – Ministrja e Kulturës. Elva Margariti pati një takim të veçantë me veprimtaren e shquar të diasporës shqiptare në Izrael, Felicita Jakoel, fituese e Shqiponjës së Artë në Samitin e Diasporës dhe Ambasadore e Diasporës dhe juristin Agron Alibali për një histori unike, për një popull që shpëtoi falë të drejtës zakonore shqiptare, quajtur BESA, apo më bukur akoma, “N’dorën tande” si thirrje e ardhur nga Qielli.

”Diskutuam për ngritjen e Muzeut Kombëtar të Hebrenjve në Vlorë, një nga inspektimet e mia të para në zonën e Qendrës Historike, Vlorë, e cila po ndryshon nga dita në ditë. Ministria e Kulturës mbetet e angazhuar në një mbështetje institucionale për këto nisma që evokojnë përvojën thuajse unikale të shqiptarëve për shpëtimin dhe ruajtjen e hebrenjve gjatë Luftës II Botërore. Me juristin Agron Alibali diskutuam për nismën private dhe të pavarur të një grupi aktivistësh shqiptaro-hebraiko-amerikanë për kthimin në atdhe të trashëgimisë bibliotekare dhe arkivore të albanologut të shquar, Norbert Jokl”, u shpreh ministria e Kulturës Elva Margariti për këtë takim.

”Ka ardhur koha të vendosim në vend amanetet. Amanete që na mbërrijnë nga veprimtarja e shquar, Johanna Gerechter Neumann, familja e së cilës erdhi në Shqipëri pikërisht 80 vjet më parë dhe ishte një nga mijëra familjet hebre të shpëtuara. Trashëgimia e Joklit në tërësi ende mbetet e pakthyer”, tha Margariti.

”Jemi vetëm në fillim të punës, por me veprimtare si Znj, Jakoel Kryetare e Shoqatës Izrael-Shqipëri, e cila ka folur në qindra aktivitete në mbarë botën për rolin e Shqipërisë gjatë Holokaustit jemi shumëpranë ngritjes së Muzeut Unikal të Hebrenjve në Shqipëri”, përfundoi ministria e Kulturës Elva Margariti. /Adela Alla/J.P/

 

IZRAEL

Ministri i Jashtëm, Gabi Ashkenazi: Izraeli do të bëjë gjithçka që Irani të mos ketë armë bërthamore!

Ministri i Jashtëm i Izraelit, Gabi Ashkenazi, tha se vendi i tij do të bëjë “gjithçka që duhet” për të…

SHQIPËRI

Gazetari izraelit Larry Luxner: Një udhëtim targash në Shqipërinë e ndaluar dikur!

Artikull i Larry Luxner, i botuar në "Plates Magazine" dhe publikuar nga Retro.al

KOSOVA

Votim Demiri: Në përkujtim të familjes time dhe të gjithë atyre që humbën jetën në Holokaust

Kampi i përqendrimit Bergen-Belsen u krijua në pranverën e 1943 dhe u çlirua nga ushtria britanike më 15 prill 1945.…

INTERVISTA

Ambasadori Gendler: Izraeli i gatshëm të ndihmojë Shqipërinë në procesin e vaksinimit

Në një intervistë për MCN, ambasadori Izraelit në Shqipëri Noah Gal Gendler u ndal edhe tek çështjet e politikës së…

MILIARDERËT

Themeluesit hebrenj të Google shtuan 14 miliardë dollarë në vetëm 24 orë

Larry Page dhe Sergey Brin, bashkëthemelues të Google, e bënë veten 14 miliard dollarë më të pasur në më pak…

Rezultati në pak sekonda, Izraeli zbulon testin e Covid përmes pështymës

Një test i pështymës i zhvilluar rishtazi nga qendra më e madhe mjekësore e Izraelit synon të përcaktojë në më…

SPYZONE

Doktrina e Mossadit të Yossi Cohen mbi Iranin: Asnjëherë mos ndalo!

Nëntokësore, sipër, nuk ka rëndësi, ne do t'ju marrim - Analiza e YONAH JEREMY BOB në The Jerusalem Post