“Shqiptarët dhe hebrenjtë gjatë Holokaustit”, Ambasadori Canaj fjalim në Izrael

Ambasadori i Shqipërisë në Izrael, Dr. Bardhyl Canaj, mori pjesë në Konferencën ‘Albanians and Jews Relations during Holocaust”, e organizuar nga Kolegji elitar “Western Galilee College”.



Ambasadori i Shqipërisë në Izrael, Dr. Bardhyl Canaj, mori pjesë si i ftuar special dhe “Key note Speaker” në Konferencën ‘Albanians and Jews Relations during Holocaust”, e organizuar nga Kolegji elitar “Western Galilee College”.

Kjo konferencë, e para e këtij lloji e organizuar në Izrael, dedikuar eskluzivisht rolit të shqiptarëve në Shqipëri dhe Kosovë, kishte për qëllim vlerësimin e kontributit të tyre gjatë Luftës së Dytë Botërore, në shpëtimin e hebrenjve dhe mos-dorëzimin e tyre në kampet e përqëndrimit. Ky kontribut, është cilësuar vazhdimisht nga akademikë e politikanë izraelitë, si unik dhe i papërsëritshëm me asnjë nga vendet evropiane, duke i bërë shqiptarët krenarë për zgjedhjen e tyre në atë kohë, për të qëndruar në anën e duhur të historisë.

Me ftesë të Presidentit të Kolegjit Western Galilee, Prof. Nissim Bendavid, Ambasadori Canaj mbajti fjalën kryesore në konferencë, gjatë së cilës vlerësoi lidhjen e vecantë mes vendeve tona, që e ka origjinën në rolin unik të shqiptarëve ndaj shpëtimit të hebrenjve gjatë Shoah.

Ai theksoi raportet e shkëlqyera politike mes vendeve tona, intensifikimin e kontakteve në fushën e biznesit si dhe rritjen e prezencës izraelite si në fushën e tregtisë, sigurisë, teknologjisë së avancuar, mbrojtjes etj. Duke marrë shkas nga start-imi i linjës direkte charter Tel-Aviv-Tiranë për sezonin turistik 2019, Ambasadori Canaj theksoi rëndësinë e saj në shtimin e numrit të turistëve izraelite që vizitojnë Shqipërinë, i cili pritet të kapë shifrat e 20 000 vizitorëve kete vit.

Presidenti i Kolegjit, Prof. Bendavid, vlerësoi rolin historik të Shqipërisë, sidomos faktin se është i vetmi vend evropian ku numri i hebrenjve pas Luftës ishte 10 herë më i lartë se para saj, si dhe kërkoi që nëpërmjet Ambasadarit t’i përcilleshin qeverisë shqiptare vlerësimet dhe mirënjohja izraelite për kontributin e vecantë të këtij vendi, në një kohë kur Evropa u mbylli dyert hebrenjve të saj.

“Kjo konferencë zhvillohet në kohën e duhur pasi Dita e Holokaustit do të festohet pas dy ditësh në Izrael. Për më tepër, shpreh mirënjohjen dhe vlerësimit tim dhe të institutit që mbuloj për humanizmin e treguar nga shqiptarët në shpëtimin e hebrenjve, dhe ne kurrë nuk do ta harrojmë këtë fakt-deklaroi ai.”Në konferencë gjithashtu e morën fjalën dhe akademikë dhe pjesëmarrës të tjerë, vecojmë z. Flori Zvi, aktivist shqiptaro-hebre nga Prishtina, i cili ishte promovuesi i filmit dokumentar “Pagëzimi”, bazuar në dëshmitë e hebrenjve të shpëtuar nga shqiptarët, i cili u shfaq për të pranishmit në sallë.
Ai theksoi rolin e vecantë të Museut të Holokaustit për të përzgjedhur 75 familje shqiptare si “Righteous among Nations”, bazuar në etninë shqiptare dhe jo në selektimin e tyre si kosovarë, apo maqedonas etj.

Konferenca “Albanians and Jews relations during Holocaust”, organizuar nga Kolegji elitar “Western Galilee College”, shërbeu nder te tjera, si një platformë akademike për shtimin e kontakteve në fushën akademike, me fokus rolin e Shqipërisë dhe vlerat e jashtëzakonshme të shqiptarëve si “Besa”/ The Promise. “Every story is special, but some are extraordinary, and this is about Albanians rescuing ALL Jews”

Në marzhet e konferencës, Ambasador Canaj zhvilloi një takim të vecantë me Presidentin e Kolegjit në fjalë. Bashkëpunimi në fushën akademike dhe shkëmbimi i vizitave ndërmjet trupës së profesorëve por edhe “exchange-students”, ishin temat e diskutimit.

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

IZRAEL

Kryeministri më jetëgjatë dhe më i suksesshëm i Izraelit

Në vitin 2009, ekspertët e përshkruan Benjamin Netanyahun si një udhëheqës të dobët, qeveria e të cilit ishte e destinuar…

SHQIPËRI

Ambasadori Canaj pret drejtuesit e TransBiodisel, izraelitët synojnë investime në Durrës

Ambasadori i Shqipërisë në Izrael, Dr. Bardhyl Canaj, zhvilloi një takim me Dr. A.Tafesh, zevendëpresident për biznesin &CTO të kompanisë…

KOSOVA

Ambasadorja kosovare në SHBA, Vlora Çitaku: Populli ynë ka si shembull Izraelin

Gazetari amerikano-izraelit, Larry Luxner, editor i lajmeve në “Washington Diplomat”, ka intervistuar Vlora Çitakun ambasadoren e Kosovës në Shtetet e…

INTERVISTA

Kreu i American Jewish Committee, David Harris: E ardhme e ndritur midis Izraelit dhe Shqipërisë

Drejtori Ekzekutiv i Komitetit Amerikan hebraik (American Jewish Committee - AJC) dhe një delegacion 15-anëtarësh i AJC-së bënë një vizitë…

MILIARDERËT

Roman Abramovich blen shtëpi 63 milionë dollarë në Izrael

Miliarderi ruso-izraelit, Roman Abramovich, është i vendosur të blejë një shtëpi në Herzliya për 63 milionë dollarë nga menaxherja e…

SPYZONE

Israel Aerospace nënshkruan kontratë 50 milionë dollarë me Marinën Indiane

Marrëveshja përfshin një gamë të mirëmbajtjes dhe shërbime të tjera për nën-sistemet e raketave ajrore të mesme tokë-ajër të Israel…