Ambasadori i Shqipërisë në Izrael, Dr. Bardhyl Canaj u takua me CEO të Kompanisë “United Hatzalah of Israel” z. Moshe Teitelbaum dhe Zv/Presidenti i saj z. Dov Maisel, në zyrat e tyre qendrore në Jeruzalem, me qëllim implementimin e modelit të tyre edhe në Shqipëri.

“United Hatzalah” ose “United Rescue” është një kompani e suksesshme izraelite e krijuar në SHBA, dhe operative ne disa vende te botes, me qender ne Jerusalem, është e dedikuar në përmirësimin e jetës dhe shërbimeve mjekësore në rastet urgjente.

Shërbimet e tyre ofrohen duke krijuar një rrjet lokal vullnetarësh (Community Based Emergency Caregivers (CBEC), model i cili është implementuar suksesshëm në kryeqytete ku përqendrimi i popullsisë është më i madh.

“Ky model fuqizon komunitetin për të dhënë kujdes para-ambulator të shpejtë, me qëllim shpëtimin e jetëve të njerëzve, të cilët nuk mund të shpëtohen nga vonesat e ambulancave si pasojë e trafikut. (Vullnetaret e trajnuar, përdorin “scutter”). Koha e dhënies së ndihmës të këtij modeli është 90 sekonda deri në 3 minuta, ndërkohë që një ambulance i nevojitet 15-20 minuta afërsisht. “Shpëtimi i jetëve”-shpëton boten!”, shkruan ambasada shqiptare në një njoftim të sajin në Facebook.