Mediat izraelite shkrim për rihapjen e “Muzeut Solomoni” në Berat

Mediat izraelite i kanë dhënë hapësirë rihapjes së “Muzeut Solomoni” në Berat. Është portali Israelnationanews.com i televizionit “Arutz Sheva”, që ka publikuar një shkrim të Agjencisë Franceze e Lajmeve, AFP, në lidhje me rihapjen e muzeut të vetëm hebraik në Shqipëri


Mediat izraelite i kanë dhënë hapësirë rihapjes së “Muzeut Solomoni” në Berat. Është portali Israelnationanews.com i televizionit “Arutz Sheva”, që ka publikuar një shkrim të Agjencisë Franceze e Lajmeve, AFP, në lidhje me rihapjen e muzeut të vetëm hebraik në Shqipëri, i cili u hap vitin e kaluar nga historiani i ndjerë Simon Vrusho. Kjo u bë falë investimit nga biznesmeni shqiptaro-francez Gazmen Toska.

Portali Izraelisot.com sjell shkrimin e plotë me titullin: Muzeu shqiptar hebre i rrezikuar shpëtoi falë ‘rilindjes’

Shkrimi i plotë

Muzeu shqiptar hebre i rrezikuar shpëtoi falë ‘rilindjes’

Muzeu i vetëm i historisë hebraike të Shqipërisë, “Muzeu Solomon”, rihapet pasi biznesmeni e shpëton atë nga pragu i mbylljes.

***

Muzeu i vetëm i historisë hebraike të Shqipërisë u rihap në qytetin jugor të Beratit të dielën, falë një biznesmeni që e shpëtoi atë nga pragu i mbylljes.

Muzeu i vogël “Muzeu Solomon”, i cili tregon historinë se si shqiptarët strehuan qindra hebrenj gjatë Holokaustit, ishte projekti pasionant i një profesori vendas, Simon Vrusho.

Vrusho e hapi muzeun në vitin 2018 dhe e financoi atë me dhurime të vogla të lëna në një kuti nga dera – dhe me pensionin e tij.

Kur 75-vjeçari vdiq në shkurt të këtij viti, e ardhmja e ekspozitës u la në harresë.

Pasi lexoi një shkrim të AFP (Agjencia Franceze e Lajmeve) për fatin e tij të pasigurt, biznesmeni francez-shqiptar Gazmend Toska vendosi të financojë muzeun dhe ta transferojë atë në një hapësirë më të madhe në qytet, ku shumë njerëz u mblodhën të dielën për hapjen e tij.

“Ishte thellësisht prekëse të shihej mbulimin nga ana e AFP-së të këtij muzeu,” u tha Gazmend Toska të pranishmëve në këtë ceremoni.

Ambasadorja i Francës në Shqipëri, Christina Vasak, e vlerësoi si “një histori të bukur e rilindjes” për muzeun që shpërblen përkushtimin e Vrushos.

Vrusho, vetë një i krishterë ortodoks, kaloi me vite të tëra duke mbledhur dokumente, foto dhe kujtime që dëshmojnë një komunitet hebre që arriti për herë të parë në Berat në shekullin e 16-të nga Spanja.

Në zemër të ekspozitës janë histori të shqiptarëve myslimanë dhe të krishterë që fshehën hebrenjtë në shtëpitë e tyre gjatë Holokaustit – një kapitull i historisë që vetëm kohët e fundit është bërë më i njohur.

Falë veprimeve të tyre të heshtura të trimërisë, shteti ballkanik është i vetmi territor i okupuar nga nazistët, popullsia hebreje e të cilit u rrit gjatë Luftës së Dytë Botërore, nga disa qindra para konfliktit në më shumë se 2000 më pas.

Historia është një burim në rritje krenarie në Shqipëri, ku qeveria organizon aktivitete vjetore në Ditën e Përkujtimit të Holokaustit dhe i kushton një ekspozitë historisë në Muzeun Kombëtar të Tiranës.

Por muzeu i Vrushos ishte e vetmja qendër e pavarur kushtuar spastrimit të historisë hebraike në këtë cep të Evropës Juglindore.

Ky muze është “një pemë kujtese e ujitur me dashurinë e të gjithë atyre që kanë kontribuar në mbijetesën e tij”, tha e veja e Vrushos, Angjelina, 65 vjeçe, e cila do të jetë drejtori i muzeut.

Në këtë ceremoni, historiani Yzedim Hima tha se muzeu modest ka një mesazh të veçantë për të përcjellë: “jo mizoritë e një lufte, por dashurinë e njerëzve për njerëzit e tjerë”.

***

Shkrimi në portalin izraelit

Albania’s endangered Jewish museum rescued for a ‘rebirth’

 

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

IZRAEL

Netanyahu: Irani, regjimi më anti-semitik në planet

Shtetet e Bashkuara dhe Izraeli kanë shfrytëzuar ceremoninë përkujtimore për 75-vjetorin e çlirimit të kampit të përqendrimit, Aushvic në Poloni,…

SHQIPËRI

Roli i Shqipërisë në mbrojtjen e hebrenjve

Akademia e Shkencave dhe Muzeu “Solomoni” zhvilluan të shtunën në Berat një konferencë shkencore mbi rolin e Shqipërisë në mbrojtjen…

KOSOVA

Pacolli: BESA ishte edhe në Kosovë, Arsllan Reziqi strehoi 40 familje hebrenjsh

Ministri i Jashtëm i Kosovës, Behgjet Pacolli, në një postim në Twitter shkruan se “Kosova i bashkohet me botën për…

INTERVISTA

Ambasadori Gendler: Shqipëria duhet të ndjekë shembullin e Izraelit

Ambasadori i Izraelit në Shqipëri, Noah Gal Gendler, dha një intervistë për emisionin Diplomaticus të gazetarit Erion Kaçorri në News24

MILIARDERËT

Roman Abramovich blen shtëpi 63 milionë dollarë në Izrael

Miliarderi ruso-izraelit, Roman Abramovich, është i vendosur të blejë një shtëpi në Herzliya për 63 milionë dollarë nga menaxherja e…

SPYZONE

Shërbimi inteligjent “Shin Bet”: Izraeli neutralizoi 560 sulme terroriste në vitin 2019

Shefi i Shin Bet, Nadav Argaman, thotë se Izraeli neutralizoi dhjetë sulme vetëvrasëse me bomba, katër komplote rrëmbimi dhe më…