Sot, në Tiranë u nënshkrua Memorandumi i Mirëkuptimit midis Institutit Izraelit për Politikat e Jashtme Rajonale – MITVIM  dhe Universitetit Evropian të Tiranës (UET), me qëllim forcimin e lidhjeve midis të dy institucioneve, veçanërisht në çështjet që lidhen me zgjidhjen e konflikteve dhe paqen, marrëdhëniet me BE dhe zhvillimin në Mesdheut dhe Ballkanit.

“Ky Memorandum Mirëkuptimi ishte një rezultat i frytshëm i një përpjekje dhe iniciativë të përbashkët të Ambasadës Shqiptare dhe Institutit MITVIM së bashku me kolegët e UET, duke pasur në mendje të kërkojnë mundësi për tu përfshirë në workshope, tryeza të rrumbullakëta dhe konferenca në tema me interes të ndërsjellë.

Ky Memorandum Mirëkuptimi shërben si dëshmi e bashkëpunimit në fushën akademike dhe kërkimore midis dy institucioneve prestigjioze si të Shqipërisë ashtu dhe Izraelit, dhe shënon një tjetër arritje për vendet tona”, thuhet në njoftimin e ambasadës shqiptare në Izrael.

Marrëveshja u nënshkrua nga Prof.Dr. Tonin Gjuraj, zv.rektor i Universitetit Evropian të Tiranës dhe Dr. Nimrod Goren, drejtori i Institutit Izraelit për Politikat e Jashtme Rajonale.

Prof.Dr. Gjuraj ka qenë ish-ambasador i Shqipërisë në Izrael.

Në 16 nëntor 2019, në Universitetin Europian te Tiranës u zhvillua leksioni i hapur “Njohja e heroizmit të Shpëtuesve të Holokaustit përmes programit “Shtëpitë e Jetës”, një projekt i “Fondacioni Ndërkombëtar Raoul Wallenberg” me Z. Daniel Rainer – Drejtues i Fondacionit Ndërkombëtar Raoul Wallengberg, Izrael. Të pranishëm, edhe ambasadori i Izraelit në Shqipëri, Noah Gal Gendler, si dhe ish-ambasadori i Shqipërisë në Izrael, Tonin Gjuraj.