Me ftese te Kolegjit Givat Haviva International School, dhe organizatës Givat Haviva Ambasadori Canaj dhe stafi diplomatik i Ambasaden se RSH si dhe e Ngarkuara me Pune e Kosoves ne Izrael, Ines Demiri, moren pjese në ceremoninë e diplomimit te gjeneratës së vitit 2021. Komuniteti i qendrës Givat Haviva ka një respekt të madh për shqiptarët, të cilët ndihmuan popullin hebre gjatë luftës së dytë botërore. Në muzeun e emëruar “Moreshet”, i cili ndodhet brenda qendrës, një dhomë e veçantë i është dedikuar miqësisë dhe historisë së komunitetit shqiptar dhe atij hebre. Ne 3 vitet e fundit që nga hapja e shkolles internacionale GHIS, jane edukuar 11 nxënës shqiptar nga Kosova.

Ne ftesen e derguar me kete rast Ambasades shqiptare theksohet: “Do të ishte nder për ne dhe për komunitetin e “Givat Haviva-s”, si dhe për administratën e shkollës GHIS, t’ju presim ju, bashkë me familjarët tuaj dhe stafin e ambasadës, në kampusin e qendres “Givat Haviva”, me rastin e ceremonisë së diplomitit të nxënësve tanë te shkëlqyer, Gjin Haziri dhe Edena Zeqaj nga gjenerata e vitit 2021, të cilët përçuan kulturën, traditat dhe moralet shqiptare në një mënyrë të paharrueshme tek nxënësit dhe stafi i shkollës. Me plot siguri dhe motivim ne ndihmuam studentet shqiptare, duke i’a hapur dyert për universitetet më prestigjioze në botë, në mënyrë që aftësitë dhe njohuritë të cilat i fituan gjatë dy viteve të shkollimit dhe pjekurisë në shkollën tonë t’i përvetesojnë, dhe në të ardhmen t’i përdorin për të qenë liderët e ardhshëm të kombit shqiptar, duke promovuar paqen, ashtu siç ata e përjetuan në komunitetin tonë.

Duke patur parasysh se Familjarët e nxënesve ndërkombëtar nuk mund të jene të pranishëm në ceremoni si rezultat i situatës së krijuar te tensionuar ne Izrael, vleresohet prezenca e perfaqesise diplomatike shqiptare në këtë ngjarje kaq të rëndësishme për nxënësit tanë, do të ishte domethënese për ata, të cilët lanë vendin e tyre në një moshë të re për t’iu bashkuar një komuniteti të nivelit botëror të edukimit, si dhe do të shërbente për të krijuar lidhje për bashkpunim të mëtejshem mes Republikës se Shqipërisë, Ambasadës së Republikës së Shqipërisë në Izrael dhe shkollës “Givat Haviva International School”, në mënyrë që të punojmë së bashku për të kultivuar marrëdhenje mes institucioneve tona për të mirëpritur dhe edukuar nxënës të rinjë nga trojet shqiptare, të cilët do t’i presim për shumë vite në të ardhmen.

“Jemi të vetëdijshëm se keni një agjendë mjaft te ngarkuar por me deshiren më të madhe ju presim të bashkoheni me ne për të festuar këtë ditë e cila simbolizon përfundimin e një udhëtimi edukativ dhe maturije të nxënësve tanë më datë 21 Maj 2021, në oren 19:00 – 20:30, në Givat Haviva, MP Menashe, 37850, Izrael”-perfundon njoftimi I Kolegjit Givat Haviva.

Ambasada e RSH ne Izrael informon se duke patur parasysh situatën e krijuar te tensionuar në ditët e fundit në Shtetin e Izraelit, Kolegji edhe pse gjendet ne një vend të sigurte, ka ndërmarrë të gjitha masat e nevojshme të sigurise sipas udhëzimeve te “Home Command – Oref”. Prandaj siguria e të gjithë nxënësve dhe e të pranishmëve të tjerë në ceremoni, do të jete në nivel të plotë.