Ambasadorja e Kosovës në Izrael, Ines Demiri, uroi kampionen olimpike, xhudisten Nora Gjakova, e cila fitoi “Medaljen e Artë” në Lojërat Olimpike “Tokio 2020”.

Distria Krasniqi ia ka dalë të triumfojë edhe në finalen e madhe të xhudos, duke siguruar medaljen e artë në kategorinë 57 kg.

Postimi i Ambasadores Demiri

Në një kohë kur të gjithë jemi me mendje e zemër me viktimat dhe të lënduarit e aksidentit tragjik në Kroaci, dua të uroj xhudistën tonë Nora Gjakovën për medaljen e artë në Lojërat Olimpike “Tokyo 2020”.

Republika e Kosovës tani ka fituar dy medalje të arta në Japoni, medalja e tretë e artë e shtetit tonë nga tri medalje të fituara në dy Lojëra Olimpike. ??????

Xhudisjta 26-vjeçare bëri një garë perfekte, duke mposhtur në finale francezen Cysique Leonie Sarah, ndërsa pak më herët kishte triumfuar në gjysmëfinale ndaj japonezes Tskuasa Joshida, e cila ishte edhe favoritja kryesore.

Nora Gjakova është medalisjta e dytë e Artë e Kosovës në “Tokio 2020”, pasi dy ditë më parë ishte xhudistja tjetër Distria Krasniqi që ngriti lart flamurin e Kosovës në peshën deri në 48 kilogramë.

Si Nora Gjakova, ashtu edhe Distria Krasniqi, janë të dyja pjesë e skuadrës që stërvitet nga trajneri i mirënjohur Driton Kuka, sportistë të së cilës kanë fituar medalje të shumta në xhudo vitet e fundit.

Vlen të theksohet se edhe në Lojërat Olimpike të Rios më 2016-ën, Kosova ia doli të marrë medalje të artë në xhudo, me të mirënjohurën Majlinda Kelmendi, e cila nuk arriti të paraqitet të nivelin e pritshmërive në Tokio, për shkak të një dëmtimi.