Tirana feston Hanukkhah, festivalin e dritave të hebrenjve

Festivali i Dritave, apo siç njihet ndryshe nga komuniteti hebraik, festa e Hanukkah, u kremtua simbolikisht këtë vit në Bashkinë e Tiranës, përmes një ceremonie të veçantë organizuar nga Ambasada e Izraelit dhe Komuniteti Hebre.


Festivali i Dritave, apo siç njihet ndryshe nga komuniteti hebraik, festa e Hanukkah, u kremtua simbolikisht këtë vit në Bashkinë e Tiranës, përmes një ceremonie të veçantë organizuar nga Ambasada e Izraelit dhe Komuniteti Hebre.

Kryebashkiaku Erion Veliaj, i cili së bashku me kryetarin e komunitetit hebre, Amos Dojaka dhe ambasadorin e Izraelit, Noah Gal Gendler, ndezën shandanin e qirinjve të festës u shpreh i lumtur që këtë vit kjo festë u organizua në Bashkinë e Tiranës.

“Në këtë natë të 8 është një krenari, një kënaqësi e madhe e jashtëzakonshme që ne e festojmë në Bashkinë e Tiranës. Unë jam shumë krenar për Tiranën tonë, për faktin që është një qytet që i mirëpret dhe i toleron të gjithë. Shumica prej familjeve tona janë të përbëra mes feve të ndryshme dhe jetojnë në harmoni. Por, si çdo bahçe me lule, po nuk i ujite përditë, ato fillojnë e thahen. Detyra jonë është ta ujisim përditë frymën dhe vëllazërinë që kemi me njëri-tjetrin. Jam shumë mirënjohës për ata që përfaqësojnë këtu komitetin hebraik, që është një komunitet modest në qytetin tonë. Megjithatë, si çdo xhevahir, mund të jetë gur i vogël, por shumë i çmuar”, u shpreh Veliaj.

Ai tha se ndihet shpresëplotë se Shqipëria dhe Izraeli do të përforcojnë bashkëpunimin në nivel ekonomik. “Në qoftë se i vëmë fjalët aty ku kemi zemrën, përveçse të bëjmë ceremoni të tilla, do të bëjmë më shumë bashkë, do të rrisim ekonominë e përbashkët të vendeve tona. Më e rëndësishmja është bashkëpunimi me shtetin e Izraelit. Këtë javë kemi një kontratë me një kompani që do të bëjë data-centerin më të madh në Ballkan, e gjithashtu po mundohemi ta orientojmë Tiranën drejt teknologjisë së informacionit. Mezi pres që 2022 të jetë një vit fantastik në raportin mes Tiranës dhe qyteteve të ndryshme në Izrael,” deklaroi Veliaj.

“Është një kënaqësi që të jemi për festën e Hanukkah, ta festojmë të gjithë këtu së bashku, si pjesë e komunitetit. Falenderoj kryetarin, përfaqësuesit e Klerit në Shqipëri, zonjën ambasadore të SHBA-së dhe personalitetet e tjera, që jemi mbledhur në këtë festë kaq domethënëse si festa e Hanukkah, ose ndryshe festivali i dritave, dhe shpresoj që me dritat që ne ndezim sot, meqenëse është edhe fundi i vitit, ky ndriçim të largojë natën e errët, natën e Covid-it, dhe shpresoj që me ndihmën e Zotit, vitin tjetër të jemi me paqe e begati”, deklaroi Dojaka.

Ndërsa, Ambasadori i Izraelit, Noah Gal Gendler shprehu falenderimet e tij për pritjen dhe organizimin e bukur të Festivalit të Dritave.

Top Channel

Rama: Izraeli nuk ka ujë, por është vendi me sistemin më ekselent të furnizimit me ujë dhe të ujitjes në bujqësi

Kryeministri Edi Rama mori pjesë në konferencën për “Teknologjinë dhe Inovacionin në Bujqësi dhe Blegtori”

Izrael

Izraeli i shqetësuar për programin bërthamor iranian

Izraeli është i gatshëm të përdorë “të drejtën për vetëmbrojtje” për të parandaluar Iranin të zhvillojë armët bërthamore, tha kryeministri…

Shqipëri

Rama: Izraeli nuk ka ujë, por është vendi me sistemin më ekselent të furnizimit me ujë dhe të ujitjes në bujqësi

Kryeministri Edi Rama mori pjesë në konferencën për “Teknologjinë dhe Inovacionin në Bujqësi dhe Blegtori”

Kosove

Bashkëpunimi në fushën e Sigurisë dhe Mbrojtjes midis Kosovës dhe Izraelit, Demiri takon gjeneralmajorin Eiland

Ambasadorja e Kosovës në Izrael, Ines Demiri, zhvilloi një takim me Gjeneralmajorin (në pension) e Forcave të Mbrojtjes të Izraelit,…

OPED

Pesë mrekullitë e Izraelit

Izraeli nuk u mjaftua vetëm për mbijetesën. Ai synonte shumë më lart - të lulëzonte

Bota

Britania e Madhe e shpall Hamasin organizatë terroriste

Çdo anëtar i organizatës dhe ata që e mbështesin atë brenda Britanisë së Madhe, mund të dënohen me burgim deri…

Spyzone

Çfarë mund të mësojnë Izraeli dhe fuqitë e tjera ushtarake nga Lufta Rusi-Ukrainë

Fleksibiliteti, logjistika dhe përdorimi i armëve inovative janë çelësat e fitores.