30 izraelitë në listën e miliarderëve të Forbes 2022, kryeson Miriam Adelson

Botuesja e “Israel Hayom” është personi i 50-të më i pasur në botë; Roman Abramovich humbet mbi gjysmën e pasurisë së tij nga vendosja e sanksioneve; Trump renditet në 1012 në listën e kryesuar nga Elon Musk, me 219 miliardë dollarë


Tridhjetë izraelitë u përfshinë në listën e miliarderëve të Forbes 2022 të publikuar të mërkurën, duke përfshirë sipërmarrës të teknologjisë, manjatë të anijeve dhe një producent hollivudian.

Listën izraelite e kryeson Miriam Adelson, e renditur si personi i 50-të më i pasur në botë me një pasuri neto prej 27.5 miliardë dollarësh.

Adelson është nga Izraeli, por Forbes e vendosi atë në SHBA në renditjen e saj vjetore, pasi ajo ka nënshtetësi amerikane dhe jeton në Las Vegas.

Adelson debutoi në listë në vitin 2021 pasi burri i saj, manjati i kazinove Sheldon Adelson, vdiq në fillim të vitit. Ai ishte një mega-donator i partisë Republikane dhe botuesi i gazetës “Israel Hayom”.

Miriam Adelson trashëgoi pjesën më të madhe të pasurisë së burrit të saj të ndjerë dhe u bë miliarderja e re më e pasur në botë vitin e kaluar, duke u renditur e 24-ta në listën e Forbes. Ajo humbi rreth 360 milionë dollarë vitin e kaluar.

Eyal Ofer
Eyal Ofer

 

Eyal Ofer, kreu i Ofer Global Holdings, ishte personi më i pasur në Izrael në listë, në vendin e 117-të me një pasuri prej 15.4 miliardë dollarësh që rrjedhin nga asetet në industrinë e pasurive të paluajtshme dhe të transportit detar.

Vëllai i tij, Idan Ofer, është izraeliti i radhës më i pasur, në vendin e 188-të me 10.5 miliardë dollarë nga interesat e anijeve dhe energjisë.

Të dy janë djemtë e manjatit izraelit të anijeve Sammy Ofer, i cili dikur ishte njeriu më i pasur i Izraelit.

Vëllezërit Dmitri dhe Igor Bukhman, pronarë të kompanisë së lojërave Playrix, u renditën në vendin e 275-të me 8.1 miliardë dollarë.

Arnon Milchan, një producent izraelit i filmave të Hollivudit ishte personi i 851-të më i pasur me 3.5 miliardë dollarë.

Roman Abramovich, një rus që mban nënshtetësinë izraelite dhe ishte shpallur si izraeliti më i pasur vitin e kaluar, ishte në vendin e 350-të me një vlerë neto të vlerësuar prej 6.9 miliardë dollarë, nga 14.5 miliardë dollarë vitin e kaluar. Ai u rendit në mesin e 83 rusëve në listë.

Izraelitët e tjerë në listë përfshijnë aksionerin kontrollues të Delek, Yitzhak Tshuva, i renditur në vendin e 778 me pasuri prej 3.8 miliardë dollarë, i ndjekur nga CEO i Check Point, Gil Shwed, i renditur në vendin e 851 me pasuri prej 3.5 miliardë dollarësh. Liora Ofer, aksionerja kontrolluese në Melisron renditet e 1645-ta me 1.8 miliardë dollarë, ndërsa rivalja izraelite nga prodhimi i pasurive të paluajtshme Danna Azrieli renditet e 1929-ta me 1.5 miliardë dollarë. Adam Neumann, i renditur në vendin 2076 me 1.4 miliardë dollarë dhe hoteleri David Fattal me 1.3 miliardë dollarë, renditet në vendin e 2324.

Forbes tha se 34 rusë u larguan nga lista e miliarderëve pas pushtimit rus të Ukrainës, rënia më e madhe e çdo vendi përveç Kinës, e cila humbi 87 miliarderë për shkak të një goditjeje teknologjike të qeverisë.

Abramovich është sanksionuar nga Bashkimi Evropian dhe Mbretëria e Bashkuar, por jo nga SHBA.

Njeriu më i pasur në botë ishte Elon Musk, themeluesi i Tesla dhe SpaceX, me 219 miliardë dollarë, i ndjekur nga Jeff Bezos i Amazon, me 171 miliardë dollarë.

Gjigantët amerikanë të teknologjisë Bill Gates, Larry Page, Sergey Brin, Larry Ellison dhe Steve Ballmer, si dhe investitori amerikan Warren Buffet, ishin gjithashtu në Top 10.

Ish-kryebashkiaku hebre i Nju Jorkut, Michael Bloomberg, ishte i 12-ti, me 82 miliardë dollarë, dhe Mark Zuckerberg i Facebook ishte i 15-ti me 67 miliardë dollarë, duke rënë ndjeshëm nga një vit më parë.

Ambasadorja e Izraelit, Galit Peleg: Tregu i ri i Tiranës, një qendër ekselente agrobujqësore

Ambasadorja e Izraelit në Shqipëri, Galit Peleg, vizitoi Tregun e Shitjeve me Shumicë dhe Pakicë të Produkteve Ushqimore (Tirana Agrikulturë),…

Izrael

Popullsia e Izraelit shkon në 9.6 milionë banorë

9.6 milionë njerëz jetojnë në vend, 74% hebrenj, 21% arabë. Izraeli do të arrijë në 20 milionë në vitin 2065

Shqipëri

Ambasadorja e Izraelit, Galit Peleg: Tregu i ri i Tiranës, një qendër ekselente agrobujqësore

Ambasadorja e Izraelit në Shqipëri, Galit Peleg, vizitoi Tregun e Shitjeve me Shumicë dhe Pakicë të Produkteve Ushqimore (Tirana Agrikulturë),…

Kosove

Viti i ri Hebraik, Ines Demiri në pritjen e organizuar nga Presidenti i Izraelit

Ambasadorja e Kosovës në Izrael, Ines Demiri, mori pjesë në pritjen festive me rastin e Vitit të Ri Hebre 5783,…

OPED

Bashkëjetesa: Çfarë mund të mësojë bota nga Shqipëria

Shqipëria është një vend i vogël, ndonjëherë larg axhendës politike globale. Sidoqoftë, ka shumë për të mësuar.

Bota

Britania e Madhe e shpall Hamasin organizatë terroriste

Çdo anëtar i organizatës dhe ata që e mbështesin atë brenda Britanisë së Madhe, mund të dënohen me burgim deri…

Spyzone

Çfarë mund të mësojnë Izraeli dhe fuqitë e tjera ushtarake nga Lufta Rusi-Ukrainë

Fleksibiliteti, logjistika dhe përdorimi i armëve inovative janë çelësat e fitores.