Kryeministri i Shqipërisë, Edi Rama, gjatë vizitës së tij në Izral u takua edhe ministrin e Financave, Avigdor Liberman, ku u diskutua në lidhje për thellimin e bashkëpunimit ekonomik midis Shqipërisë dhe Izraelit.

Të pranishëm ishin edhe ministrja e Financave dhe Ekonomisë, Delina Ibrahimaj dhe Ministrja për Rininë, Bora Muzhaqi.

Të pranishëm ishin edhe dy ambasadorët respektivë, Bardhyl Canaj dhe Galit Peleg.

Kryeministri Edi Rama ka takuar homologun e tij izraelit, Yair Lapid. Rama bën me dije se gjatë takimit me kryeministrin izraelit, kanë diskutuar për çështje të sigurisë kibernetike, ekonomisë dhe turizmit.

“Me kryeministrin, Yair Lapid, për forcimin e bashkëpunimit dypalësh në fushën e sigurisë kibernetike e të mbrojtjes, të ekonomisë dhe të turizmit@, shkruan Rama në postimin e tij në rrjetet sociale.