Kryeministri i Shqipërisë, Edi Rama, zhvilloi takim me kreun e Autoritetit Kibernetik të Izraelit, Gaby Portnoy.

“Pas sulmit kibernetik Iranian në Shqipëri u ra dakord për të punuar së bashku me autoritetin kibernetik të Shqipërisë për të ndërtuar sistem të avancuar për të mbrojtur hapësirën kibernetike civile”, shkruan ambasada e Izraelit në Shqipëri në një postim të sajin në rrjetet sociale.

Kryeministri 🇦🇱, Z.Rama zhvilloi takim me kreun e Autoritetit Kibernetik të🇮🇱 Z.Gabi Portnot. Pas sulmit kibernetik Iranian në Shqipëri,u ra dakord për të punuar së bashku me autoritetin kibernetik 🇦🇱 për të ndërtuar sistem të avancuar për të mbrojtur hapësirën kibernetike civile pic.twitter.com/nWCfZmV7sD

— Israel in Albania (@IsraelinAlbania) October 24, 2022

Më herët kryeministri Rama takoi presidentin Isaac Herzog, kryeministrin Yair Lapid, kryetarin e Parlamentit Mickey Levi dhe ministrin e Financave, Avigdor Liberman.