Bashkëpunimi policisë shqiptare me atë izraelite, ambasadorja Peleg takon drejtorin Rrumbullaku

Drejtori i Përgjithshëm i Policisë së Shtetit, Muhamet Rrumbullaku takon Ambasadoren e Izraelit në Shqipëri, Galit Peleg.


Drejtori i Përgjithshëm i Policisë së Shtetit, Muhamet Rrumbullaku takon Ambasadoren e Izraelit në Shqipëri, Galit Peleg.

“Gjatë këtij takimi u vlerësua bashkëpunimi i mirë mes Policisë shqiptare dhe agjencive ligjzbatuese izraelite.

Gjatë fjalës së tij, Drejtori i Përgjithshëm i Policisë së Shtetit Drejtues Madhor Muhamet Rrumbullaku theksoi se bashkëpunimi i deritanishëm me agjencitë ligjzbatuese izraelite, duhet shtrirë në të gjitha fushat policore me interes të përbashkët për të dyja shtetet.

Gjithashtu, Drejtori i Përgjithshëm i Policisë së Shtetit u shpreh: “Bashkëpunimi intensiv policor, në këtë kontekst të ri social, ku fenomenet kriminale i kanë shkurtuar më shumë se kurrë, distancat gjeografike midis shteteve është më se i domosdoshëm. Hetimet me skuadra të përbashkëta hetimore dhe shkëmbimi në kohë reale i informacioneve do t’i shërbenin më së miri rritjes së efikasitetit të luftës kundër krimit të organizuar, terrorizmit dhe krimeve kibernetike.”

Ambasadorja e Izraelit në Shqipëri, Galit Peleg falënderoi Policinë e Shtetit për bashkëpunimin e deritanishëm dhe për masat e sigurisë, të marra në Ambasadën e Izraelit në Tiranë, si dhe shpehu gatishmërinë për të zgjeruar bashkëpunimin në fushat e sipërcituara, veçanërisht në fushën e cybercrime.

Ambasadorja ftoi Drejtorin e Përgjithshëm të Policisë së Shtetit të marrë pjesë në konferencën që do zhvillohet në fund të muajit nëntor, mbi sigurinë kibernetike, duke e cilësuar me shumë vlerë pjesëmarrjen e tij, pasi do të ketë nje demonstrim mbi sistemet e reja për sigurinë kibernetike.

Po gjatë takimit u dakordësua për vijimin e trajnimit të forcave speciale të Policisë së Shtetit nga partnerët izraelitë”, thuhet në njoftimin e Policisë së Shtetit.

Edhe ambasada e Izraelit reagoi për takimin me Drejtorin e Përgjithshëm të Policisë së Shtetit, Muhamet Rrumbullaku.

“Sot pata një takim shumë të rëndësishëm me Drejtorine e Policisë së Shqipërisë. Izraeli dhe Shqipëria kanë një bashkëpunim të shkëlqyer në fushën e Sigurisë Vendore. E falënderova Drejtorin për sigurinë tonë në Shqipëri dhe e ftova në konferencën e Drejtuesve të Policisë në Izrael. 🇮🇱🤝🇦🇱”, shkruan ambasadorja Peleg në Twitter, e cila ka publikuar edhe disa foto nga takimi.

Trajnimi i profesionistëve shqiptarë në Izrael, ambasadorja Peleg takon ministren Kushi

Ambasadorja e Izraelit në Shqipëri, Galit Peleg, zhvilloi një takim me Ministren e Arsimit dhe Sportit, Evis Kushi.

Izrael

Dronë specialë për furnizime mjekësore në spitalet e Izraelit

Izraeli do të jetë vendi i parë në botë që do të ketë një rrjet të furnizimeve mjekësore urgjente me…

Shqipëri

Trajnimi i profesionistëve shqiptarë në Izrael, ambasadorja Peleg takon ministren Kushi

Ambasadorja e Izraelit në Shqipëri, Galit Peleg, zhvilloi një takim me Ministren e Arsimit dhe Sportit, Evis Kushi.

Kosove

Ekspertë izraelitë, leksione në Kosovë në fushën e rehabilitimit pas traumës

Nën organizimin e KRCT, mbështetjen e Ambasadës së Shtetit të Izraelit në Kosovë dhe Ambasada Britanike, në Prishtinë u zhvillua…

OPED

Petrit Zorba: “Lulja e Vlorës” i Anna Kohen, një dashuri e përjetshme për Shqipërinë

Kryetari i Shoqatës së Miqësisë Shqipëri-Izrael: Libri përcjell mesazhe mirënjohje për popullin Shqiptar dhe atë të Vlorës, që gjatë atyre…

Bota

Britania e Madhe e shpall Hamasin organizatë terroriste

Çdo anëtar i organizatës dhe ata që e mbështesin atë brenda Britanisë së Madhe, mund të dënohen me burgim deri…

Spyzone

Çfarë mund të mësojnë Izraeli dhe fuqitë e tjera ushtarake nga Lufta Rusi-Ukrainë

Fleksibiliteti, logjistika dhe përdorimi i armëve inovative janë çelësat e fitores.