Petrit Zorba: “Lulja e Vlorës” i Anna Kohen, një dashuri e përjetshme për Shqipërinë

Kryetari i Shoqatës së Miqësisë Shqipëri-Izrael: Libri përcjell mesazhe mirënjohje për popullin Shqiptar dhe atë të Vlorës, që gjatë atyre viteve të vështira mundën të mbronin hebrejtë e ndodhur ose të ardhur në atë zonë.


Nga Petrit Zorba, Kryetari i Shoqatës së Miqësisë Shqipëri-Izrael

Këto ditë ndodhet në Shqipëri Dr. Anna Kohen, një shqiptaro – greke – hebreje – amerikane, siç ajo dëshëron ta cilësojë vehten e saj, që ka ardhur për të promovuar librin e saj, të titulluar “Lulja e Vlorës”.

Libri u botua për herë të parënë shtator 2022 në gjuhën angleze në Holandë dhe tashmë në muajin nëntor 2022 ai vjen në gjuhën shqipe, i përkthyer me mjeshtëri nga Edvin Shvarc dhe i publikuar nga Instituti Shqiptar për Studime Ndërkombetare, ku duhet veçuar mbështetja e Z. Ledion Krisafit.

Gjatë këtyre ditëve u organizuan më datë 11 dhe 12 nëntor 2022 dy takime në Tiranë ku morën pjesë miqtë dhe dashamirës të librit si dhe anëtarë të Shoqatës së Miqësisë Shqipëri-Izrael, një takim në Prishtinë më datë 14 nëntor 2022 dhe në Vlorë mëdatë 15 nëntor 2022

Në se shumëkush e ka dëgjuar ose lexuar “Ditarin e Ana Frankut”, ky është një anë tjetër e medaljes dhe vështrimit të situates së LDB, është Ditari i Anna Kohen, i titulluar “Lulja e Vlorës”, i cili përcjell një respekt dhe mirënjohje për popullin Shqiptar dhe atë të Vlorës, që gjatë atyre viteve të vështira mundën të mbronin hebrejtë e ndodhur ose të ardhur në atë zonë.

Ky libër meriton të përkthehet dhe në gjuhë të tjera të popujve Europiane, pasi më shumë se kurrëme mesazhet që i përcjell, ai është i domosdoshem në ditët e sotme, me situatën aktuale dhe problemet që po kalon kontinenti ynë.

Ky libër është një falenderim dhe mirënjohje për popullin shqiptar, ashtu siç bëri pak vite më parë antropologia e njohur hebreo-angleze Scarlett Epstein, e cila erdhi në Shqipëri për të gjetur familjen Dovana në Durrës, që e kish ndihmuar në vitet e LDB dhe për ti shprehur mirënjohejen dhe falenderimin popullit shqiptar.

Për më tepër ky libër mund dhe duhet të jetë një burim informacioni më shumë për studiuesit dhe hulumetuesit e ndryshëm, historianët dhe kërkuesit në fushën shkencore për të plotësuar më te tej analizat e tyre mbi këtë kontribut të dhënë nga populli shqiptar gjatë atyre viteve të vështira.

Gjithashtu ky libër mund të jetë pjesë e kurrikulave për shkollat dhe universitetet kur trajtohet problemi i Holokausit dhe LDB.

Dr. Anna Kohen, prej vitesh në Shtetet e Bashkuara të Amerikës, ka dhënë një kontribut të veçantë në integrimin e grave dhe vajzave shqiptare në shoqërinë amerikane e po ashtu nuk duhet harruar kontributi i saj në mbështetjen e popullit shqiptar të Kosovës për liri.

Lexuesi do të gjejë mjaft informacione interesante dhe të padëgjuara, të paraqitura për herë të parë nga autorja si për Shqipërinë e kohës para e pas luftës ashtu dhe për situata të tjera dramatike nëvende të tjera të kontinentit tonë gjatë LDB.

Trajnimi i profesionistëve shqiptarë në Izrael, ambasadorja Peleg takon ministren Kushi

Ambasadorja e Izraelit në Shqipëri, Galit Peleg, zhvilloi një takim me Ministren e Arsimit dhe Sportit, Evis Kushi.

Izrael

Dronë specialë për furnizime mjekësore në spitalet e Izraelit

Izraeli do të jetë vendi i parë në botë që do të ketë një rrjet të furnizimeve mjekësore urgjente me…

Shqipëri

Trajnimi i profesionistëve shqiptarë në Izrael, ambasadorja Peleg takon ministren Kushi

Ambasadorja e Izraelit në Shqipëri, Galit Peleg, zhvilloi një takim me Ministren e Arsimit dhe Sportit, Evis Kushi.

Kosove

Ekspertë izraelitë, leksione në Kosovë në fushën e rehabilitimit pas traumës

Nën organizimin e KRCT, mbështetjen e Ambasadës së Shtetit të Izraelit në Kosovë dhe Ambasada Britanike, në Prishtinë u zhvillua…

OPED

Petrit Zorba: “Lulja e Vlorës” i Anna Kohen, një dashuri e përjetshme për Shqipërinë

Kryetari i Shoqatës së Miqësisë Shqipëri-Izrael: Libri përcjell mesazhe mirënjohje për popullin Shqiptar dhe atë të Vlorës, që gjatë atyre…

Bota

Britania e Madhe e shpall Hamasin organizatë terroriste

Çdo anëtar i organizatës dhe ata që e mbështesin atë brenda Britanisë së Madhe, mund të dënohen me burgim deri…

Spyzone

Çfarë mund të mësojnë Izraeli dhe fuqitë e tjera ushtarake nga Lufta Rusi-Ukrainë

Fleksibiliteti, logjistika dhe përdorimi i armëve inovative janë çelësat e fitores.