17 vjet më parë, 2006, tre shokë: Avishai Abrahami, Nadav Abrahami dhe Giora Kaplan ishin duke shijuar rrezet e diellit në plazhin e Tel Avivit.

Teksa ndjenin vështirësi për të ndërtuar faqen e tyre – shumë frustuese dhe tepër e kushtueshme në atë kohë, tre shokët “IT” patën idenë e ndërtimit të një platforme, që do të ndihmonte këdo që dëshironte të ndërtonte faqen e tij, pa pasur nevojë për aftësi kodimi dhe dizajni dhe t’i jepnin formën që ata donin.

Wix lindi në 5 qershor 2006 dhe ndryshoi përgjithmonë mënyrën sesi njerëzit mund të krijojnë faqet e tyre. Në prill të 2009, Wix kishte 1 milion përdorues, ndërsa në 2018: 125 milionë përdorues nga 190 vende të ndryshme.

Sipas W3Techs, Wix përdoret nga 2.3% e 10 milionë faqeve të internetit më të mira.

Së bashku me selinë dhe zyrat e tjera në Izrael, Wix ka gjithashtu zyra në Brazil, Kanada, Gjermani, Indi, Irlandë, Japoni, Lituani, Poloni, Holandë, Shtetet e Bashkuara, Ukrainë dhe Singapor dhe ka rreth 6000 pnonjës, me të cilët ndahen edhe një pjesë të fitimeve.

Kompania bëri të ditur se, për çdo 100 mijë përdoruese ajo mundi të gjenerojë 165 milionë dollarë në harkun e tetë muajve, në shkurt 2007.

Gjithkush mund të ndërtojë një faqe internetit shumë thjesht me platformën Wix, e cila u lejon përdoruesve të krijojnë faqe interneti – në desktop dhe mobile – përmes “veglave” online me metodën “drag dhe drop”.

Përdoruesit e Wix mund të shtojnë funksionalite të tilla si plagine të rrjeteve sociale, e-komerce, marketim online dhe forume komuniteti në faqet e tyre, duke përdorur një gamë të gjerë të aplikacioneve të palëve të treat.

Sot, Wix ka një sërë produktesh Wix Stores, Wix Bookings, Wix Hotel, Wix Restaurants, Wix Video, Wix Music, Wix ShoutOut dhe arkëton mbi 290 milionë dollarë, parashikohet të arrijë në 595 milionë dollarë dhe është e listuar në bursën e Nju Jorkut, Nasdaq, teksa tregu i ndërtimit të faqeve të internetit arrin në 300 miliardë dollarë.

Në tremujorin e parë të këtij viti kompania Wix ka gjendje “cash” 266 milionë dollarë. Vlera e kompanisë ka arritur në 4.5 miliardë dollarë, sipas portalit ekonomik izraelit, Globes.co.il.