Në Jerusalem, nën organizimin e ambasadave të Republikës së Kosovës dhe Republikës së Shqipërisë në Shtetin e Izraelit, u promovua libri biografik “Lulja e Vlorës” i Dr. Anna Kohen, një hebreje Romaniote me rrënjë nga Janina.

Dr. Kohen rrëfeu historinë magjepsëse se si shqiptarët myslimanë e kishin shpëtuar familjen e saj nga nazistët dhe jetën në Shqipërinë komuniste. Libri i saj është vlerësuar lart në Izrael, Greqi, Shqipëri, Kosovë dhe Shtetet e Bashkuara.

Dr. Anna Kohen u lind në Vlorë, Shqipëri. Më 1966, bashkë me shtatë anëtarët e familjes së saj, shkoj në Greqi, ku kreu shkollën për stomatologji. Më 1991, me ndihmën e disa organizatave hebraike, përfshirë “Motrat Murgesha të Janinës” (“Sisterhood of Janina”), ajo solli 37 të afërm të saj shqiptarë në Shtetet e Bashkuara.

Po atë vit, ajo u ftua në Shqipëri për të festuar themelimin e shoqatës së miqësisë Shqiptaro-Izraelite dhe u emërua Anëtare Nderi.

Më 2004, Presidenti i Republikës së Shqipërisë e dekoroi Dr. Kohen me medaljen për Merita të Veçanta Civile për kontributin e saj të çmuar në ndihmë të shqiptarëve gjatë krizës humanitare të Kosovës. Dr. Kohen i ka shërbyer komunitetit shqiptar për mbi 30 vjet si Presidente e Organizatës Shqiptaro-Amerikane të Grave.