Forumi ekonomik Shqipëri-Izrael, Balluku: Jemi ndër vendet më atraktive për biznesin e huaj

Në Tiranë nisi sot punimet forumi ekonomik Shqipëri-Izrael.


Në Tiranë nisi sot punimet forumi ekonomik Shqipëri-Izrael.

Zëvendëskryeministrja, njëherësh ministre e Infrastrukturës dhe Energjisë, Belinda Balluku deklaroi sot se Shqipëria është kthyer në një ndër vendet më atraktive për bizneset e huaj, pasi sipas saj, reformat shtetformuese kanë dhënë një rezultat të jashtëzakonshëm.

Në fjalën e saj, në forumin e biznesit, Balluku ftoi bizneset izraelite të shtojnë prezencën e tyre në Shqipëri.

“Është një forum, i cili zhvillohet midis dy vendeve me një histori të gjatë miqësie dhe bashkëpunimi, por çfarë është më e rëndësishme, është një forum i cili i adresohet biznesit izraelit dhe atij shqiptar dhe pa dyshim Qeveria shqiptare është e qartë se biznesi është motori kryesor i zhvillimit ekonomik të vendit dhe në kushtet ku sot ndodhemi, në një momentum historik për zhvillimin e Shqipërisë, sigurisht partneriteti me vende të cilat kanë histori të ngjashme me ne deri diku, por që kanë avancuar përmes sfidave dhe sprovave është pa dyshim bashkëpunimi më i mirë”, theksoi Balluku në nisje të fjalës së saj.

Zv.kryeministrja Balluku vuri në dukje se vitet e fundit është shënuar një dialog në rritje midis Shqipërisë dhe Izraelit dhe se ky dialog ka qenë thellësisht konstruktiv.

“Në muajin janar unë kam vizituar Izraelin dhe kam takuar shumë nga kolegët e mi në sektorë kyç. Kemi diskutuar për projekte konkrete, kemi nisur një bashkëpunim të ngushtë me Agjencinë Kombëtare të Cybeer security, një nga agjencitë botërore të ekselencës. Tashmë AKCESK, Agjencia e Sigurisë Kibernetike Kombëtare Shqiptare, është në një partneritet të ngushtë me Agjencinë izraelite”, theksoi ajo.

Balluku u ndal dhe në mbështetjen e Izraelit për përballimin e sulmit kibernetik vitin e kaluar.

Ajo bëri të ditur se bashkëpunimi mes dy vendeve nuk ka qëndruar vetëm në rrafshin ekonomik dhe tregtar, por ka patur një bashkëpunim të ngushtë diplomatik, sidomos në organizatat ndërkombëtare, duke mbështetur njëri-tjetrin.

Forumi sotëm, theksoi ajo, kërkon të nxisë bashkëpunimin midis përfaqësuesve të biznesit shqiptar dhe atij izraelit.

“Është një forum që kërkon të hapë fusha të reja dhe horizonte të reja, tashmë që Shqipëria është kthyer në një nga vendet më atraktive për bizneset e huaja. E them këtë, duke u bazuar mbi fakte dhe mbi shifra, pasi të gjithë reformat shtetformuese që ne kemi bërë, padyshim kanë dhënë një rezultat të jashtëzakonshëm. Sot në Shqipëri operojnë kompani ekselence nga më të mëdhatë, duke nisur nga ato të hidrokarbureve, siç është SHELL apo ENI, por sot në Shqipëri operojnë në fushën e energjisë, dhe unë po i referohem fushave të cilat mbuloj, operon “Voltalia” franceze, “Total” francez, “Verbun” austriak e shumë e shumë kompani të tjera, duke iu referuar këtu telekomunikacionit dhe të gjithë sektorëve ku ne kemi kompani të mëdha ndërkombëtare që kanë ardhur në Shqipëri, sepse sot Qeveria shqiptare me reformat që ka aplikuar, duke nisur nga ajo në drejtësi apo reformat fiskale, ka krijuar kushtet dhe klimën e biznesit për të ardhur në vendin tonë për të investuar, për t’u ndjerë i mbrojtur dhe për të vazhduar biznesin dhe investimin si të ishte një qytetar i Shqipërisë”, u shpreh Balluku.

Balluku, duke u ndalur në shifra tha se në Shqipëri operojnë rreth 105 kompani izraelite, ndërsa shkëmbimet tregtare llogariten në 2022-shin 57 milionë euro.

“Nga të dhënat e referuara rezulton se shkëmbimet tregtare mes vendeve tona ishin 40 milionë euro për vitin 2021 dhe shkuan në 57 milionë euro në vitin 2022. Në 6-mujorin e vitit 2023 ato llogariten 21 milionë euro. Në vendin tonë operojnë 105 biznese izraelite me status aktiv, në fusha të ndryshme, si prodhim, tregti, shpërndarje të energjisë elektrike, import, eksport, etj.”, tha Balluku.

Ajo vuri në dukje se ka kërkesa për bashkëpunim edhe në infrastrukturë.

Një hap pozitiv, zv/kryeministrja konsideroi edhe vendosjen e linjës direkte midis dy vendeve nga qershori i këtij viti, pas një shkëputjeje disavjeçare.

“Gjatë vitit 2022 numri i vizitorëve izraelitë ishte 7346 dhe u rrit me 61 %, krahasuar me 2021-shin. Vetëm gjatë gjysmës së parë të këtij viti numërohen 6500 vizitorë izraelitë. Shqipëria po përjeton një nga momentet e saj historike, në energji apo turizëm dhe nuk mund të mungojë në këtë skenë biznesi izraelit”, u shpreh ajo.

Marrë nga ATSH

Në Forumin e Biznesit ??Shqipëri – ??Izrael, një vend mik dhe partner i rëndësishëm, me të cilin kemi ?bashkëpunuar në…

Posted by Belinda Balluku on Thursday, September 7, 2023

Ambasadorja e Izraelit: Shqipëria, shembull i bukur tolerancës ndërfetare

Ambadasadorja e Izraelit në Shqipëri, Galit Peleg, ka qenë e ftuar në disa darka iftari të organizuar në Tiranë.

Izrael

Izraeli rihap hapësirën ajrore, kapen 99% e raketave iraniane

Nga më shumë se 30 raketa të lëshuara nga Irani, asnjëra nuk kishte arritur në Izrael.

Shqipëri

Rama dënon sulmin e Iranit kundër Izraelit: I paprecedent, rrezikon të destabilizojë rajonin

Kryeministri Edi Rama dënoi sot fuqimisht sulmin e Iranit ndaj Izraelit

Kosove

Osmani: Kosova dënon sulmin e Iranit ndaj Izraelit

Presidentja e Kosovës, Vjosa Osmani, ka reaguar pas sulmit të Iranit ndaj Izraelit natën e kaluar.

OPED

Populli ynë ka qenë dhe do të mbetet krah popullit hebre

Sot shënohet Dita e Përkujtimit të Holokaustit, ditë që përbashkon gjithë botën në kujtim të viktimave

Bota

U rrëzua helikopteri, vdesin Presidenti i Irani dhe ministri i Jashtëm

Presidenti iranian Ebrahim Raisi dhe ministri i Jashtëm Hossein Amirabdollahian ishin në mesin e nëntë personave që humbën jetën

Spyzone

Ushtria e Izraelit rrethon komandën qëndrore të Hamasit

Marina gjithashtu kreu dhjetëra sulme përgjatë bregut të Gazës, duke ndihmuar forcat tokësore.