Izraelisot.com, 6 shkurt 2015 – Izraeli dhe Shqipëria janë në një grup (4) në kualifikueset e Kampionatit Europian U-21, finalet e të cilit do të luhen në vitin 2017 në Poloni. Shorti u hodh në Nion të Zvicrës, i drejtuar nga Sekretari i Përgjithshëm i UEFA-s, Xhani Infantino. Në grupin 4 janë edhe Portugalia, Izraeli, Greqia, Hungaria dhe Lihteshtejnini. Kjo është hera e pare qe Izraeli dhe Shqipëria ndeshen ne nivel kombëtaresh, por janë luajtur dhjetë ndeshje midis ekipeve. Trajneri i Hungarisë, Laszlo Szalai, tha për faqen e federatës hungareze: “Në pamje të parë mund të jemi favoritë, por në fakt kemi një grup shumë të vështirë. Portugalia është ekipi më i vështirë, por edhe Shqipëria, Greqia dhe Izraeli e kanë rritur potencialin në lojën e tyre”. Ekipet europiane janë ndarë në 9 grupe (1-9), ku nëntë vendet e para do të kualifikohen direkt për në finalet e Euro 2017 për t’iu bashkuar Polonisë organizatore. Katër vendet e dyta me rezultatet më të mira ndaj vendeve të para, të treta, të katërta dhe të pestë në grupin e tyre do të shkojnë në “play-off” dhe do të çiftohen në short për të përcaktuar edhe dy ekipet fundit të kualifikuara që do të marrin pjesë në finale me 12 ekipe.
NDESHJET DIREKTE
03.09.2015 Shqipëri-Izrael
10.10.2016 Izrael-Shqipëri
GRUPET
Grupi 1: Çeki, Belgjikë, Mali i Zi, Moldavi, Letoni, Maltë
Grupi 2: Itali, Serbi, Slloveni, Irlandë, Lituani, Andorrë
Grupi 3: Francë, Ukrainë, Skoci, Islandë, Maqedoni, Irlanda e Veriut
Grupi 4: Portugali, Izrael, Greqi, Hungari, Shqipëri, Lihtenshtejn
Grupi 5: Danimarkë, Rumani, Armeni, Uellsi, Bullgari, Luksemburg
Grupi 6: Spanjë, Suedi, Kroaci, Gjeorgji, Estoni, San Marino
Grupi 7: Gjermani, Rusi, Austri, Finlandë, Azerbajxhan, Ishujt Faraoe
Grupi 8: Holandë, Sllovaki, Turqi, Bjellorusi, Qipro
Grupi 9: Angli, Zvicër, Norvegji, Bosnjë, Kazakistan
RRUGA DREJT FINALES
DATA E NDESHJEVE
FAZA E GRUPEVE
23–31 mars 2015
8–16 qershor 2015
31 gusht–8 shtator 2015
5–13 tetor 2015
9–17 nëntor 2015
21–29 mars 2016
29 gusht–6 shtator 2016
3–11 tetor 2016
Play-off
7–15 nëntor 2016