(Izraelisot) – Pasi arritën gradën e një gjeneral majori të ushtrise izraelite (IDF),  dy spiune femra, të koduara me inicialet “S” dhe “K” tani kryesojnë dy nga departamentet më të rëndësishme të shërbimit të fshehtë kombëtar të Izraelit, Mosadit.

Këto janë pozicionet më të larta që ka arritur ndonjë femër në një prej shërbimeve më efikase të spiunazhit në botë.

Sipas, gazetës izraelite “Yedioth Aharonoth”, Mosad e konfirmoi emërimin, por nuk dha detaje në lidhje me dy femrat e emëruara në pozicione kaq të larta.

Në fakt, në ushtrinë izraelite ka pasur dy gjeneral majore: Orna Barbival u emërua në vitin 2011 shefe e Drejtirisë së Burimeve Njerëzore, ndërsa në korrik të këtij viti, gjeneral brigade Ariella Lazrovitch u emërua këshilltare e shefit të financave të ushtrisë izraelite. Janë katër femra që janë pjesë e Shtabit të Përgjithshëm të Ushtrisë izraelite.