Izraelisot.com, 9 janar 2015 – Një kompani izraelite në fushën e bioteknologjisë është duke zhvilluar një vaksinë kundër kancerit, e cila mund të ndihmojë sistemin imun të luftojë 90 për qind të tipeve të ndryshme të qelizave të kancerit.

Lajmin e bëri të ditur “Arutz Sheva”, përmes portalit të saj online Israelnationalnews.com

Kompania Vaxil BioTherapeutics me qendër Nes Ziona (qytet në veri të Tel Avivit) ka zhvilluar vaksinën ImMucin për më shumë se pesë vjet dhe ka qenë tepër e suksesshme në testimet e saj.

Sipas medias izraelite, ajo mund të jetë tepër jetësore në luftën kundër kancerit.

Sipas World Health Organization, sëmundja e kancerit vret rreth tetë milionë njerëz në vit në botë, ndërkohë çdo vit diagnostikohen rreth 14 milionë raste të reja.

Vaksina parashikohet të futet në tregun farmaceutik dhe atë mjekësor të paktën në vitin 2020.