Startupi izraelit StemRad përgatit veshjet antirezatuese për në Mars
Startupi izraelit StemRad po teston veshjen për të mbrojtur astronautët kundër rrezatimit të dëmshëm në hapësirë.
Veshjet, e quajtura AstroRad do të vishen nga astronautët e NASA-s në udhëtimin e tyre të planifikuar në Mars, sipas agjencisë amerikane të hapësirës, për mesin e 2030.
StemRad ka bërë tashmë rripa mbrojtës kundër radioaktivitetit për punëtorët centraleve bërthamore Fukushima në Japoni dhe Çernobilit në Ukrainë.
StemRad është një kompani izraelito-amerikane me seli në Tel Aviv, që zhvillon, prodhon dhe shet pajisje personale mbrojtëse nga rrezatimi jonizues.
Produkti kryesor i saj është 360 Gamma Belt, i cili mbron palcën e eshtrave të legenit të përdoruesit kundër rrezatimit.
Ajo është e vetmja kompani që prodhon për të mbrojtur përdoruesit kundër rrezatimit gamma dhe e para që përdor mbrojtjen e rrezatimit në shënjestër.
Në korrik të vitit 2015 u njoftua një partneritet midis StemRad dhe grupit amerikan Lockheed Martin për të zhvilluar pajisje personale mbrojtëse për astronautët.
StemRad u themelua në dhjetor 2011 nga Oren Milstein dhe Daniel Levitt.
Ideja për kompaninë u frymëzua nga katastrofa së Çernobilit, në të cilën shumë zjarrfikësit dhe inxhinierë të cilët mbërritën për herë të parë në vendndodhje vdiqën nga doza të larta të rrezatimit gama pas një sindromi akut rrezatimi, i njohur edhe si sëmundja e rrezatimit.
Pas katastrofës bërthamore në Fukushima në mars të vitit 2011, dy themeluesit filluan një bashkëpunim me fituesit e çmimit Nobel Nobel Roger D. Kornberg, Aaron Ciechanover si edhe me Michael Levitt, i cili mori çmimin Nobel më pas, të motivuar nga ideja e “shpëtimit të atyre që na shpëtojnë”.
Më pas, Profesor Richard Champlin i qendrës mjekësore “MD Anderson”, i cili trajtoi plagët e para të rrezatimit në Çernobil, u përfshi gjithashtu në këtë përpjekje.
Në fund të vitit 2011, ekipi siguroi financime nga fondi Wanaka Capital dhe investitorë privatë dhe themeloi kompaninë në Tel Aviv./Izraeli Sot/