Kryeministri i Hungarisë, Viktor Orban, mbërrin sot në Izrael për një vizitë zyrtare dyditore, njëherësh edhe vizita e tij e para në shtetin hebre.
Kjo vizitë vjen pas asaj të Kryeministrit të Izraelit, Benjamin Netanyahu në Budapest një vit më parë.
Orban shoqërohet nga ministri i jashtëm hungarez, Peter Szijjarto.
Përveç Kryeministrit Benjanim Netanyahu, Orban do të pritet edhe nga Presidenti i Shtetit të Izraelit, Reuven Rivlin.
Ai do të vizitojë gjithashtu Muzeun e Holokaustit, Yad Vashem si dhe Murin e Lotëve në Jerusalem, ditën e premte përpara se të rikthehet në Hungari.