Meta takon Netanyahun: Marrëdhënie unike mes dy popujve tanë
Presidenti i Shqipërisë takohet në Paris me Kryeministrin e Izraelit
Presidenti i Republikë së Shqipërisë, Ilir Meta, është takuar në Paris me kryeministrin e Izraelit, Benjamin Netanyahu.
Meta shprehet për mes një postimi në Facebook se mes dy vendeve ekziston një marrëdhënie unike.
“Kënaqesi të takohesha në Paris me Kryeministrin e Izraelit, Benjamin Netanyahu. Një marrëdhënie unike mes popujve tanë në respekt e mirënjohje të historisë dhe të dëshirës për një marrëdhënie edhe më të ngushtë në të ardhmen. ?????”- shkruan Meta.
Kryeministri izraelit anuloi vizitën e parashikuar në fillim të nëntorit në Shqipëri, pas ndarjes nga jeta të ministrit izraelit për Shërbimet Fetare.
Presidenti Ilir Meta dhe shumë udhëheqës shtetesh po qëndrojnë në Paris me ftesë të Presidentit francez Emmanuel Macron në aktivitet që po zhvillohen për 100-vjetorin e Luftës së Parë Botërore.