Izrael, gjendet unaza e Pons Pilatit që kryqëzoi Jezusin

Unaza e vogël u gjet 50 vite më parë në kompleksin arkeologjik “Herodion”, pranë Betlehemit në Çisjordani.


Unaza e vogël u gjet 50 vite më parë në kompleksin arkeologjik “Herodion”, pranë Betlehemit në Çisjordani.

E mbi të sot, falë punës së një makine speciale të vënë në dispozicion nga laboratorët izraelitë të Antikitetit, është dëshifruar një emër: ai i Pons Pilatit.

Bëhet fjalë për guvernatorin romak, i cili qeverisi një rajon të Perandorisë Romake mes viteve 36 dhe 26 përpara lindjes së Krishtit, e që sipas Ungjillit udhëhoqi procesin që iu bë Jezu Krishtit dhe urdhëroi kryqëzimin e tij.

Unaza, bashkë me objekte të tjera u gjet në gërmimet që u kryen në vitin 1968, pas luftës 6-ditore, të udhëhequra nga Gideon Forster i Universitetit hebraik të Jeruzalemit, në prag të hapjes së varrit dhe të pallatit të Erodit për turistët vizitorë.

Por vetëm së fundmi, drejtori i kompleksit “Roi Porat” u ka kërkuar studiuesve ta pastrojnë unazën për ta ekzaminuar, kërkesë që ka çuar në zbulimin e portretit të një vazoje vere të gdhendur nga një shkrim në greqisht, i cili i përkthyer do të thotë “pronë e Pilatit”.

Unaza është prej bronzi, jo i ndonjë estetike të veçantë. Si rrjedhojë, sipas specialistëve i përket një përdorimi të përditshëm. Sipas opinionit të disa studiuesve, i dhënë në “Israel Exploration Journal”, politikani romak ka gjasa që unazën ta ketë pasur të vendosur në gisht, kur kreu gjestin e famshëm të larjes së duarve dhe urdhëresës për të kryqëzuar Krishtin, siç e përshkruan Ungjilli.

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

INTERVISTA

Almira Emiri flet për “The Albanian”: Koncertet “IsrAlb Fest” janë dashuria ime e madhe

Pianistja e mirënjohur shqiptare, Almira Emiri, prej 24 vitesh jeton në Budapest të Hungarisë, me një karrierë të suksesshme ndërkombëtare.…

SPYZONE

A është “Carmel”, e ardhmja e pushkës izraelite?

Pushka automatike “Carmel” mund të jetë revolucioni i ardhshëm. Një armë e qëndrueshme dhe e besueshme, mund të jetë një…