Kosova, lider i energjisë së rinovueshme në Ballkan, Izraeli investon 169 milionë euro


“Kjo është historia, është nisja jonë me investitorin e parë strategjik”, kështu tha kryeministri i Republikës së Kosovës, Ramush Haradinaj, në takimin e Këshillit Ndërministror për Investime Strategjike, në të cilën është bërë i ditur investitori i parë strategjik në Kosovë e që është SOWI Kosova, një projekt në energjinë e ripërtëritshme të erës, në vlerë prej 169 milionë euro, investim gjermano-izraelit në partneritet me Kosovën.

Kryeministri Ramush Haradinaj tha se Kosova ka vënë në fuqi Ligjin për Investime Strategjike, dhe ka vendosur procedura të tjera të nevojshme të paraparë që të mund të hyjë në marrëdhënie të tilla me investitorët strategjik.

Me këtë rast, kryeministri Haradinaj, falënderoi Qeverinë Mustafa, Parlamentin e Kosovës, ekspertët, Ministrinë e Tregtisë dhe Industrisë, KIESA-n, për punën e bërë, duke thënë se nga sot ka filluar historia, ka filluar marrëdhënia e re e cila nuk ka ndodhur deri më tash.“Po fillojmë me investitorët strategjik, me partnerët, me investime, dhe është shumë me rëndësi të theksojmë se një kompani e para, SOWI Kosova LL.C., i ka përmbushur parametrat e parë për shqyrtim dhe shpresoj se së shpejti në Qeveri do ta kemi propozimin që t’i japim përkrahje dhe të ndodh investimi”, tha kryeministri Haradinaj, duke theksuar se ky është investimi më i madh në energjinë e ripërtritshme.

Po ashtu, kryeministri Haradinaj tha se po ecin rrugës që ia kanë borxh vendit, duke u përkushtuar që në ekonomi të ndodhin investime, transmeton lajmi.net. Ministri i Tregtisë dhe Industrisë, Endrit Shala, tha se ky takim është ndër të arriturat më të mëdha të kësaj Qeverie në aspektin e zhvillimit ekonomik të vendit tonë, në rritjen e investimeve të huaja direkte.

Me këtë rast, ministri Shala, ka njoftuar se aplikuesi SOWI Kosova LL.C në aspektin teknik ka plotësuar kriteret teknike të parapara me legjislacionin për Investime Strategjike.

“Ju siguroj se Ministria e Tregtisë dhe Industrisë është e përkushtuar në përmbushjen e detyrave të saj të cilat janë objektiv i Qeverisë së Kosovës, pra viti i zhvillimit ekonomi, i cili besojmë se do të vazhdojë kështu siç ka filluar dhe rinisë sonë t’i mundësojmë punësim të qëndrueshëm në vendin tonë”, tha ministri Shala.

Siç njoftoi ministri Shala, kjo kompani parasheh investime në parkun me erë, investim në vlerë prej 169 milionë euro, investimi i huaj direkt më i madh në këtë fushë, e ku parashihet ndërtimi i 30 turbinave për ndërtimin e energjisë me erë, 105 megavat energji në tri lokacione të komunës së Mitrovicës. Në fund të këtij takimi u formua komisioni operacional i cili do ta shqyrtojë edhe dokumetacionin si dhe plotësimin e kritereve nga investitori./Fmimages.net/

Lexo më shumë

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

IZRAEL

Netanyahu zyrtarisht hyn në historinë izraelite si kryeministri më jetëgjatë në shërbim

Që prej të shtunës, kryeministri 69-vjeçar ka shërbyer si udhëheqës i vendit për një total prej 4.876 ditësh, duke tejkaluar…

SHQIPËRI

Ambasadori Canaj pret drejtuesit e TransBiodisel, izraelitët synojnë investime në Durrës

Ambasadori i Shqipërisë në Izrael, Dr. Bardhyl Canaj, zhvilloi një takim me Dr. A.Tafesh, zevendëpresident për biznesin &CTO të kompanisë…

KOSOVA

Ambasadorja kosovare në SHBA, Vlora Çitaku: Populli ynë ka si shembull Izraelin

Gazetari amerikano-izraelit, Larry Luxner, editor i lajmeve në “Washington Diplomat”, ka intervistuar Vlora Çitakun ambasadoren e Kosovës në Shtetet e…

INTERVISTA

Kreu i American Jewish Committee, David Harris: E ardhme e ndritur midis Izraelit dhe Shqipërisë

Drejtori Ekzekutiv i Komitetit Amerikan hebraik (American Jewish Committee - AJC) dhe një delegacion 15-anëtarësh i AJC-së bënë një vizitë…

MILIARDERËT

Roman Abramovich blen shtëpi 63 milionë dollarë në Izrael

Miliarderi ruso-izraelit, Roman Abramovich, është i vendosur të blejë një shtëpi në Herzliya për 63 milionë dollarë nga menaxherja e…

SPYZONE

Israel Aerospace nënshkruan kontratë 50 milionë dollarë me Marinën Indiane

Marrëveshja përfshin një gamë të mirëmbajtjes dhe shërbime të tjera për nën-sistemet e raketave ajrore të mesme tokë-ajër të Israel…